Capítulo 197: Propesyonal

"Hindi ko sinasabing henyo ka, ang ibig kong sabihin talaga ay kasingbobo ng mga baboy ang mga bodyguards ko."

Natawa si Huo Mian, at napatingin si Su Yu sa cute niyang dimples na lumabas habang tumatawa siya.

Hindi siya katulad ng ibang babae; peke ang mga ngiti nila, minsan tinatakpan nila ang bibig nila para magmukhang sophisticated o kaya naman ngumingiti na parang may kukuha ng litrato nila. Ang hirap makahanap ng isang tulad niya na may natural at magandang ngiti.

Hindi nagsalita si Huo Mian. Isinabit niya ang IV drip at inihanda na itusok ang karayom.

"Ang gusto ko lang sabihin ay… hindi ako gumastos ng malaki para lang magtiis sa ganitong sakit. Hindi ba pwedeng yung hindi nalang tinatanggal na karayom ang gamitin? Ayokong tinutusok niyo ko araw-araw. Gusto niyo ba ako patayin sa sakit?" walang emosyong sabi ni Su Yu.