Capítulo 104: Takot

Chapter 104: Takot

Kung hindi siya pamilyar sa amoy ni Qin Chu, baka inatake na niya ito.

"Bitawan mo ako, Qin Chu," medyo kinakabahan siya.

Hindi nagsalita si Qin Chu at patuloy pa rin niyang kinulong si Huo Mian sa kanyang mga bisig. Pagkatapos, ipinahinga niya ang kanyang ulo sa may tenga niya, at huminga ng malalim. Hindi mapakali si Huo Mian sa pagkalat ng amoy ng alak .

Medyo napasimangot si Huo Mian.

"Uminom ka ba?" tanong niya.

Hindi pa rin nagsalita si Qin Chu. Pagkatapos niya matapos uminom kasama si Gao Ran, umuwi siya sa bahay, inilabas ang bihirang Château Lafite galing sa cabinet, at ininom ang buong bote.

Mapanganib ang mga nakagisnan… nabuhay nga siya sa loob ng pitong taon nang siya lang mag-isa…

Pero ngayon na nasa paligid niya lang si Huo Mian, hindi na niya kayang maging mag-isa sa loob ng 24 oras.

Nasanay na siyang makasama siya kaya hindi na niya matiis ang kahit isang segundo ng kalungkutan.