Capítulo 296: Pwede Bang Pakyawin Ko Nalang?

Gumawa ng sarili nilang patnubay ang Tyrannical Ambition. Hindi naman nagulat si Ye Xiu sa kaniyang narinig. Gamit ang ilang mga katibayang nakuha nila sa patnubay na binenta ni Ye Xiu sa kanila ay hindi naman mahirap na makagawa sila ng kanilang patnubay.

Hindi na importante pa kung may oras ka ba o wala, o matalino ka ba o hindi. Basta't gusto mong magsaliksik ay walang magiging problema. Libre lang rin naman ito, kaya ano namang masama kung susubukan mo?

Hindi lang ang Tyrannical Ambition. Pati na rin ang Misty Castle. Nung tinanong niya si Hazy Mist kung kailangan ba niya ng patnubay ay tumawa lang ang taong iyon. Nagpapahiwatig na hindi na muna niya kailangan ng patnubay.

Naintindihan naman ni Ye Xiu ang kaniyang ipinahihiwatig, kaya wala na siyang sinabing kahit na ano pa. Kasi kahit na ang dalawang guild na iyon ay may kani-kanilang patnubay na ay hindi naman ibig sabihin na wala na siyang mga kustomer.