Capítulo 325: Ang mga Nagulantang na Elder

Elder Hall.

Umalis na ang mga guro na nagpunta para sa pampublikong pangangalap ng mga bagong guro at umalis na din si Principal Xie. Tanging ang mga elder lamang ang naiwan.

"Ang klase na iniwan ni Bai Fan laoshi ay isa sa pinaka mahusay na klase sa buong akademya, at ito rin ang pinakamahirap kunin. Magagawa kaya ni Liu laoshi na mapaamo sila at mapasunod sa kanya?"

Napailing ang isang elder noong maalala niya ang napagkasunduan kanina.

May taglay na napakahusay na talento ang mga estudyante sa klase na ito, at bukod sa mataas nilang cultivation, karamihan sa kanila ay malalakas ang pinagmulan.

Kung isasantabi ang lahat, ang pinuno nila na si Mu Xueqing ay ang kaisa-isang anak ng 2-star Apothecary ng Apothecary Guild na si Mu Dan, at pinapahalagahan siya ng husto ng kanyang ama. Bukod sa mataas ang cultivation niya, marami din siyang itinatagong alas. Walang ordinaryong guro na mangangahas na galitin siya.