Capítulo 205: Tagumpay Ko Ba Ito?

"Ikaw nagpinta nito?"

Nanahimik ang buong silid.

Pagkatapos ay nagkaroon ng kaguluhan.

"Ang sabi mo na ang larawang ito na nasa ikalimang lebel ay ipininta mo? Zhang Xuan, papatayin mo ako sa kakatawa. Kahit na hindi mo kayang suriin ang kahit ano tungkol dito, aminin mo na lang dapat ang pagkatalo mo. Hindi mo na kailangang magyabang nang ganito!"

"Talagang makapal ang mukha mo. Kahit na gusto mong magyabang, dapat mayroong hangganan. Sasabihin mo ba sa amin pagkatapos nito na ikaw si Grandmaster Yun Shaoqing?"

"Matuto kang lumugar! Alam mo ba kung ano ang ibig-sabihin ng larawan na nasa ikalimang lebel? Ang isipin na mangangahas kang sabihin na ikaw ang nagpinta nito, wag ka ngang magbiro!"

Si Tian Long, Lu Xun at si Wang Chao ay suminghal. Silang tatlo ay tumitig kay Zhang Xuan na parang siya ay isang tanga.

Ano ang ibig-sabihin ng isang larawan na nasa ikalimang lebel?