Capítulo 165: Ang Pagsusuri ng Tatlong mga Master Teacher

Kapag nalaman ito ni Zhang Xuan, siguradong hihimatayin siya.

Ang pinaka sikat na celebrity teacher sa Hongtian Academy ay anak pala ng kanyang kaibigan na si, Master Lu Chen…

Siguro ay naisip na ito ni Huang Yu kaya nag-alinlangan siyang sabihin ang tungkol dito.

Itinuturing ni Master Lu Chen na kaibigan si Zhang Xuan, at nais niyang lumalim pa ang kanilang ugnayan. Subalit, ginagawa naman ng kanyang anak ang lahat ng makakaya niya upang pabagsakin si Zhang Xuan… Hindi nakapagtataka na nagalit si Master Lu Chen. Masasabing isa siyang edukadong tao para hindi siya agad sumabog sa galit.

"Dadalhin ko yung hayop na yun dito ngayon din at tuturuan ko siya ng leksyon…"

Kasunod nito, tumayo si Master Lu Chen, nais niyang sugurin si Lu Xun dahil sa sobrang galit niya.

Ngunit bago pa siya makalabas ng silid, nagmamadaling pumasok ang butler na si Uncle Cheng.

"Old master, may pinadalang mensahe ang kamahalan…"