Capítulo 1244: Ako ang Emperor ng Fire Country (1)

Editor: LiberReverieGroup

Ang pagbisitang iyon ng Emperor ng Fire Country ay isang malaking panggigipit sa Emperor ng Condor Country. Sa hindi malamang dahilan, kumalat ang balitang iyon sa mga pinuno ng iba't-ibang bansa.

Dahil kakagaling lang nila sa giyera, ibig sabihin ay hindi lang ito simpleng pag-uusap.

Habang nag-iisip ang Emperor ng Condor Country kung kailan darating ang mga delegado ng Fire Country, may ilang sumulpot sa harap mismo ng gate ng Condor Country's Imperial Palace!

Elegante ang suot ng mga ito, dahilan para madali silang makilala.

Ang grupo ay pinangungunahan ng isang maliit na binata. Malamig ang tinging binibitawan nito at ang kumikinang na korona sa ulo nito ay naging sanhi para matigagal ang mga tao.

Nitong mga nakaraang araw, maraming mga pinuno galing sa iba't-ibang bansa ang nagkalat sa Imperial Capital ng Condor Country kaya hindi na bago sa kanila ang makakita ng Emperor subalit iba ang dating sa kanila ng ngayo'y nasa kanilang harapan.

Nagmadaling pumasok ang mga guwardiya sa loob ng Imperial Palace upang dalhin ang balita sa Emperor ng Condor Country.

"Nandito na? Agad!?" Wala pang dalawang oras simula ng matanggap niya ang balita at ngayon ay naririto na ang mga ito sa labas ng Palace gate!

"Ilan sila?" Tanong ng Emperor ng Condor Country.

"Walo." Agad na sagot ng guwardiya.

Nakahinga ng maluwag ang Emperor. Walo lang ang mga ito, ibig sabihin ay hindi ito maghahamon ng giyera. Gayong lihim na niyang inihanda ang kaniyang sarili, hindi pa ito ang tamang oras para makipaglaban sa Fire Country.

"Papasukin mo sila." Pagkasabi noon ay agad niya ring ipinatawag si Elder Huang. Kinakabahan pa rin siyang harapin ang mga taga-Fire Country.

Ilang sandali lang ay nasa main hall na ang delegado ng Fire Country, habang ang Emperor ng Condor Country ay pilit na kinakalma ang kaniyang sarili.

comentário 3 comentário

Votar

ENVIAR PRESENTE

Load failed, please RETRY