Capítulo 1123: Spirit Absorbing Pearl (1)
Editor: LiberReverieGroup
Sa silid na halos mapanglaw ang liwanag ay tila walang anuman na nakatayo si Jun Wu Yao sa
gitna ng silid. Sa kaniyang kamay ay hawak niya ang isang malinaw na blood red gem. Nang
marinig ang yabag ni Jun Wu Xie, ay dahan-dahan siyang lumingo at ang bato sa kaniyang
kamay ay kumislap sa ilallim ng liwanag ng apoy.
"Naaalala mo pa ba noong sinabi ni Ye Sha sa iyo na nang magpunta siya dito sa Heavenly
Cloud Chambers ay mayroon siyang nadiskubre na interesante?" tanong ni Jun Wu Yao
habang nakatingin kay Jun Wu Xie, tumagilid ang kaniyang ulo at ang sulok ng kaniyang labi ay
kaakit-akit na napangiti.
"Iyon ang bagay na iyan?" tanong ni Jun Wu Xie, ang sulyap niya ay natuon sa blood red gem.
Ang bato ay napakalinaw ngunit hindi maiwasan ni Jun Wu Xie na maramdaman na ang
batong iyon ay nabuo mula sa mga namuong dugo.
"Kabilang sa Twelve Palaces, ay mayroong isang nagngangalan na Soul Return Palace, at sila ay
dalubhasa sa paggamit ng mga spirit upang pag-eksperimtuhan ng iba-ibang bagay. Sa Soul
Return Palace, maraming magical spiritual artifacts at kabilang doon ay ang isang tinatawag na
Spirit Absorbing Pearl, na gumagamit ng dugo ng tao bilang kasangkapan na gagamitin sa
pagsasakripisyo ng spirit ng isang tao sa Spirit Absorbing Pearl, at magbibigay ng
kapangyarihan sa Spirit Absorbing Pearl. Sa ganoong limitasyon, ay magagawa ng Spirit
Absorbing Pearl na panatilihin ang kabataan ng isang tao, ngunit ang gamit nito ay hindi
lamang para doon." saad ni Jun Wu Yao habang pinaglalaruan ang Spirit Absorbing Pearl na
puno ng dugo.
"Ito ang ginamit ni Qu Xin Rui upang panatilihin ang bata niyang hitsura na tila dalawampu o
higit lamang ang edad?" bigla ay naintindihan ni Jun Wu Xie. Hindi nakakapagtaka na
pakiramdam niya ay mayroong mali sa hitsura ni Qu Xin Rui.
"Maaaring ginamit niya ito. Ngunit ang tunay na gamit ng Spirit Absorbing Pearl ay para sa
spirit ng isang tao at hindi sa hitsura nito. Na kung iisipin ay mayroong isang tao na mula sa
Soul Return Palace na napakatangang aksayahin ang gamit ng Spirit Absorbing Pear, iyon ay
talagang… interesante. Alam ba ni Little Xie kung paano ginagawa ang pagsasakripisyo para sa
Spirit Absorbing Pearl?" bahagyang naningkit ang mata ni Jun Wu Yao, ang kaniyang sulyap ay
natuon sa batong sahig sa ilalim ng kanilang paa at nababalutan ng dugo.
Umiling si Jun Wu Xie.
Nakangiting sumagot si Jun Wu Yao: "Kailangan nito ng dugo mula sa isang buhay na tao
upang palaganapin ito, at ito ay kailangang maging dugo ng isang batang lalaki. Kapag
gumagawa ng handog ay kailangan nilang buksan ang sakripisyo mula sa dibdib hanggang sa
tiyan, buksan ang mga tadyang upang ilantad ang dibdib at ilagay ang Spirit Absorbing pearl sa
bukas na dibdib ng alay, upang pahintulutan ang dugo na ibigay ang nutrisyon nito, habang
unti-unting sinisipsip ang spirit at buhay ng inalay. At sa buong proseso, ang alay ay buhay,
hanggang sa masipsip lahat ng Spirit Absorbing Pearl ang lahat ng spirit at dugo, hanggang sa
huling hininga nito."
Napakislot ang puso ni Jun Wu Xie. Sobrang halaga ng hitsura ni Qu Xin Rui para sa kaniya at
upang mapanatili ang kaniyang batang hitsura sa mga nagdaang taon, marahil ay ilang lalaki
ang ginawa niyang alay.
Sa loob ng lugar na ito na puro dugo, ilang tao kaya ang nanlaban bago sila kinuha ng kamatay,
at ilang batang lalaki mula sa Thousand Beast City ang inalisan ng buhay sa lugar na ito?
"Sa totoo lamang, ang Spirit Absorbing Pearl ay nararapat gamitin sa mga balisang spirits o tao
na may spirit na kulang. Ang paggamit upang mapanatili ang hitsura ng isang tao ay walang
kwenta." saad ni Jun Wu Yao na may malaking ngiti sa mukha, ang kaniyang mata ay nakatuon
kay Jun Wu Xie. Nang makita na nangunot sa may pagitan ng kilay ni Jun Wu Xie, ay nagtanong
siya: "Kinamumuhian ba ni Little Xie itong demonyong bagay na ito?"
"Walang sinabi si Jun Wu Xie ngunit kumislap ang mata ni Jun Wu Yao. Bigla ay pinagdaop niya
ang limang daliri at dinurog ang Spirit Absorbing Pearl!
Ang malinaw na tunog ng pagsabog ay umalingawngaw sa buong silid at ang nasirang Spirit
Absorbing Pearl ay naging alikabok na nahulog mula sa daliri ni Jun Wu Yao.
"Kung hindi gusto ni Little Xie, kung gayon ay hindi ito dapat panatilihin pa."
Nagulat ng bahagya si Jun Wu Xie. Madalas niyang maramdaman na ang mga salita ni Jun Wu
Yao ay kakaiba, ngunit hinidi niya maituro iyon.
Naglakad si Jun Wu Yao papunta sa harapan ni Jun Wu Xie at inangat ang kamay upang
himasin si Little Xie sa kaniyang ulo.
"walang tigil ka ng nagtrabaho, marapat lang magpahinga ka na ngayon."
Presentes
-- Presente
recebido Status de energia semanal
-- Ranking de
Poder 
-- Pedra de
Poder