Capítulo 987: Ang Humamon (3)
Editor: LiberReverieGroup
Nang sinusukat ni Shanggun Miao si Jun Xie ay napansin ni Qing Yu ang masamang sulyap nito.
"Yan ang iyong kalaban ngayon, si Shanggun Miao. Ang kaniyang ama ay si Shangguan Yan na
isang Deputy Hall Chief ng Icy Frost Clan. Ang bata ay malapit kay Lin Feng. Sa iyong pagdating
dito kahapon ay naaalala mo pa ba na nagkita kayo Lin Feng? Hindi maganda ang ugali ni Lin
Feng at sa aking paghuhusga sa asal ni Shanggun Miao, maaaring may sinabi si Lin Feng sa
kaniya upang makaramdam ng poot si Shanggun Miao laban sa iyo." babala ni Qing Yu kay Jun
Xie. Sa totoo lamang ay hindi na niya nais pa na magpatuloy si Jun Xie sa laban.
Sa halip ay umiling si Jun Xie.
"Hayaan mo siya."
Kung ito ang kalaban sa gayon ay wala ng dapat pang alalahanin. Hangga't sa sila ay bumagsak
ay iyon lamang ang mahalaga.
Nang makita na walang pakialan si Jun Xie ay minabuti na ni Qing Yu na hindi na magsalita at
tumayo na lamang sa isang sulok ng tahimik.
Napuno ang buong arena ng bulung-bulungan habang ang lahat ay hinhintay na mag-umpisa
ang laban.
Maya-maya pa at malapit na mag-umpisa ang laban at ayon sa batas ay kailangan dalhin ni Jun
Xie at Shanggun Miao ang kanilang mga Spirit Beasts sa entablado.
Kinarga ni Jun Wu Xie si Lord Meh Meh sa arena platform. Kumpara sa tuliro at magulong mga
reaksyon, masasabing ang palabas ni Lord Meh Meh ngayon ay ang pinakainaabangan!
Sa ngayon ang naiintindihan nito ay hangga't nakatayo ito sa lugar na iyon at umunga sa ibang
Spirit Beasts ng ilang beses ay gagantimpalaan siya ng mga dahon ng lotus. Kaya naman noong
araw na iyon, si Lord Meh Meh ay biglang nagkusa. Sa sandaling ilagay siya sa entablado ay
mabilis niyang inangat ang kaniyang mga paa at naglakad patungo sa gitna ng entablado,
bakas sa mukha nito ang pagsabik at saya.
Ang bilugang katawan ni Lord Meh Meh ay kaibig-ibig na lumulundo habang ito'y naglalakad.
Ngunit ang ganoong klase ng kariktan kapag ipinakita sa battle platform ng Spirit Beast Arena
ay hindi ang nais makita ng mga taong nagpunta doon. Pakiramdam nila ay hindi nababagay
doon ang ganoong uri ng Spirit Beast kaya paano nitong nagawa na maipanalo ang sampung
laban ng sunud-sunod?
Sa lahat ng mga pagdududang iyon, ay inaasama ng mga tao na makita si Lord Meh Meh at
ang Six Armed Black Ape na maglaban ngayong araw at kung magagawa ba nilang makita kung
ano ang daya sa likod niyon. Dahil kahit anong isip ang gawin nila ay hindi nila maintindihan
kung paanong ang isang tupa ay nagtataglay ng ganoong kakayahan.
Tinitigan ni Shanggun Miao si Lord Meh Meh na kasalukuyang nakatayo sa entablado at siya
ay ngumisi. Ginalaw niya ang kaniyang baba at ang mga kasama niya ay madaling pinuntahan
ang SIx Armed Black Ape.
Ang Six Armed Black Ape ay nakakulong sa malaking kulungan na bakal habang hinihila nila ito
palapit sa entablado gamit ang maliit na troli. Kakarating pa lamang nito doon ngunti naging
balisa na ito dahil sa amoy ng masangsang na dugo sa Spirit Battle Arena. Hindi ito pinakain ni
Shanggun Miao kahapon at dinala ito doon na walang laman ang tiyan. At dahil napukaw ang
diwa nito dahil sa amoy ng dugo at gutom, ang hayop ay talagang naging balisa.
"Rawr! Rawr!"
Hindi mapakali ang Six Armed Black Ape sa bakal na kulungan dahil sa pagkabalisa habang
inaalos at tinutulak ang kulungan, malakas itong dumagundong. Malaki ito tila isang maliit na
bundok. Bawat kalabog nito sa kulungan ay parang umaalog ang buong arena.
"Rawr!!" ang Six Armed Black Ape ay nakita ang munting bola na nasa battle platform, ang
kasing puti ng niybe na anyo na nahahawig sa mga tupa na kinakain niya araw-araw. Sa
sandaling nakita nito si Lord Meh Meh , bawat molekula na nasa katawan niya ay tila
nagsusumigaw na laumin ang kaniyang kalaban kahit sino pa iyon!
Ang malakas at nakakabinging atungal ay tumutusok sa tainga ng lahat na nasa loob ng arena
at nagsimulang sumakit ang mga iyon. Ang mga tao ay nasasabik na tumingin sa nagwawalang
Six Armed Black Ape, ang kanilang pakiramdam ay nakataas dahil sa nakikita nilang
nagwawalang galit ng Six Armed Black Ape!
Ang makita ang pinakamalakas sa lahat ng mababang uri ng Spirit Beasts, ang Six Armed Black
Ape ay talagang nakakamangha!
Presentes
-- Presente
recebido Status de energia semanal
-- Ranking de
Poder 
-- Pedra de
Poder