Capítulo 709: Ang Paghahanda sa Laban (8)
Editor: LiberReverieGroup
"Hindi dapat natin malaman pa ang tungkol sa Three Realms. Ang sakit ng aking apo ay
nabigyang lunas ng ating Young Miss Jun at ang matinding pag-aalala na gumambala sa aking
puso ng pagkatagal-tagal sa wakas ay nawaksi na naging dahilan upang makamit ko ng hindi
inaasahan na mapagtagumpayan na makuha ang purple spirit." Kuwento ni Wen Xin Han.
Kahit si Wen Xin Han mismo ay hindi inaasahan na magtatagumpay siya maitaas ang kaniyang
sarili sa purple spirit.
Hindi lamang nagawa ni Jun Wu Xie na isalba ang buhay ng apo nito, nagawa rin nito na pawiin
ang tali sa puso niya kaya nagawa niya maabot ang mga bagay na hindi niya inaasahan.
Makalipas ang isang buwan na makuha ni Wen Xin Han ang kaniyang purple spirit, isang
misteryosong tao ang nagpakita sa kaniyang tirahan. Nanirahan si Wen Xin Han sa isang liblib
na lugar sa bundo ng mahabang panahon at ang lugar kung saan siya nakatira ay hindi niya
binangiit kahit kanino ngunit ang taong iyon ay nagawa siyang mahanap. Bago makapagsalita
si Wen Xin Han, ang taong iyon ay bigla siyang inatake.
Bago pa lang si Wen Xin Han noon sa antas ng purple spirit at ang kaniyang spirit power ay
labis na lumakas. Inisip niya na kayan niyang talunin ang kaniyang kalaban ng ganun lang kadali
ngunit hindi inaasahan ay inabot ang kanilang labanan ng tatlong araw at tatlong gabi at hindi
pa rin natukoy kung sino ang nagwagi. Natapos lamang ang labanan sapagkat hindi na nila
kayang ipagpatuloy pa iyon kaya nagdesisyon sila na tumigil na.
Pagkatapos ng lahat ang lalaking iyon ay nagbigay kay Wen Xin Han ng imbitasyon at sinabi sa
kaniya ang tungkol sa Three Realms.
Noon lang nalaman ni Wen Xin Han na ang lugar kung nasaan sila ay tinatawag na Lower
Realm at ang nasa itaas nila ay ang lugar na tinatawag na Middle Realm. Ang misteryosong
lalaki na iyon ay sinabing siya ay mula sa Middle Realm, sa isang lugar na kung tawagin ay
Temple of the Dragon.
Ayon sa lalaki, tanging ang mga tao na may purple spirit lamang ang maaaring pumasok sa
Middle Realm at ang mga indibidwal na nakagawa ng bagay na iyon noon sa Lower Realm ay
nakakatanggap ng imbitasyon mula sa Middle Realm at ang bisa ng imbitasyon na iyon ay isang
taon lamang, iyon ang dahilan kung bakit ang mga purple spirit na nagmula sa Lower Realm ay
unti-unting nawawala.
Sa loob ng isang taon, kung sasang-ayon si Wen Xin Han ay kailangan niyang ipaalam iyon sa
pamamagitan ng sulat at saka nila aayusin ang paglipat ni Wen Xin Han sa Middle Realm.
Kung sakaling tumanggi si Wen Xin Han ay wala siyang dapat gawin at ang alok ay lilipas
pagkatapos ng isang taon.
Sa mahabang kasaysayan ng Lower Realm ay may mangilan-ngilan na bilang ng purple spirits.
Ngunit matapos makamit ang hindi malalampasan na katanyagan, ang mga purple spirits na
iyon ay bigla na lamang mawawala ng walang bakas.
Tanging isa o dalawa na purple spirits lamang ang mapag-uusapan ng mga tao sa bandang huli,
ang bilang ng purple spirits ay tuluyan ng naglaho sa Lower Realm hanggang sa Wen Xin Han
ang unang tao sa nagdaang siglo ang nagkaroon muli ng imbitasyon sa Middle Realm.
Ang tao na nagbigay ng imbitasyon kay Wen Xin Han ay nangako na kung tatanggapin iyon ni
Wen Xin Han ay magkakaroon pa siya ng hindi mapantayan na kapangyarihan, kapangyarihan
na mas malakas pa sa purple spirit.
Upang makamit ang purple spirit dapat ay matindi ang paghangad niya na maabot ang
kapangyarihan at mahigitan pa iyon, ang pangako na makakuha ng higit pang kapangyarihan
kaysa sa mayroon na ang isang tao ay isang tukso.
"Ang taong iyon na sa aking palagay ay nasa kwarenta anyos ay kayang makipaglaban sa akin
sa parehong lakas. At dahil doon, ako ay napaisip kung paano ang isang lalaki na katulad niya
ay nagtataglay ng napakalakas na kapangyarihan, ngunit sa halip ay sinabi niya sa akin na hindi
lamang siya, kahit ang mga kabataan sa Middle Realm ay kayang gawin iyon. Tulad ng kay Gu
Ying, kahit na hindi ko pa nakikita kung gaano kalakas o kahina ang kaniyang spirit power,
minsan ay napansin ko ang inilalabas niyang purple spirit at naisip ko na ang magkaroon ng
gayong kapangyarihan sa murang edad ay maaaring nagmula sa Middle Realm." Buntong-
hininga na sabi ni Wen Xin Han. Hindi niya hangad na idawit ang kaniyang sarili sa mga gulo sa
loob ng Zephyr Academy dahil may mga tao na mula sa Middle Realm na sangkot.
"Young Miss Jun, hangga't maaari ay huwag mo galitin ang mga tao na nagmula sa Middle
Realm." Matapat na nakatingin si Wen Xin Han kay Jun Wu Xie. Ang makita niya ang lakas ng
Middle Realm, kahit si Wen Xin Han na isang purple spirit ay hindi nangahas na maging
kampante.
Presentes
-- Presente
recebido Status de energia semanal
-- Ranking de
Poder 
-- Pedra de
Poder