Capítulo 5: Henyong Martial Artist
Editor: LiberReverieGroup
"Anong uri ng martial skill ang ginamit ni Duan Ling Tiyan kani-kanina lang?"
"Hindi ito isang martial skill. Mukhang isa itong ordinaryong suntok pero malinis niyang nailagan ang Fierce Tiger Fist ni Li Xin pagtapos ay napakabilis na nagpunta sa likod nito, pinaikot ang kanyang katawan at saka sumuntok ng napakalakas sa loob lamang ng ilang sandali…. Paano niya nagawa ito!?"
"Niloloko mo ba ako? Paanong hindi naging isang martial skill ang napakalakas na galaw na iyon? Nagawa ni Duan Ling Tian na paghiwalayin ang balikat ni Li Xin gamit lamang ang isang suntok!"
...
Masiglang nagusap usap ang mga miyembro ng pamilya Li. Pero hindi nila talagang nakita ang ginamit na Collapsing Fist ni Duan Ling Tian.
Kahit na napakasimple ng galaw na iyon ay sadyang nakakagulat dahil sa mga kaya nitong gawin.
"Wasak na wasak ang balikat ni Li Xin at hindi na niya kayang maigalaw pa ang kanyang kanang braso!"
Huminga ng malalim at inusisa ng ika limang nakatatanda ang mga sugat at baling tinamo ni Li Xin. Kitang kita sa ika limang nakatatanda kanyang maikling pagkagulat nung tumingin ito kay Duan Ling Tian.
Nagawa ng isang nasa ika unang antas ng Body Tempering Stage ang isang napaka nakapamiminsalang pagatake?
Matapos utusan ang ibang nakabababang miyembro ng pamilya Li na dalhin si Li Xin sa pagamutan ay naglakad siya patungo kay Duan Ling Tian na kalmadong nakatayo sa isang tabi.
Sa mga sandaling ito ay nagkaroon siya ng kuro kuro na ang nakatayo sa kanyang harapan ay hindi isang bata kundi isang napakagaling na eksperto sa larangan ng Martial Dao.
"Ano ang tawag sa technique na ginamit mo kanina? Mas kumplikado pa kung titingnan ang mga pangkaraniwang mga martial skills pero naglabas ito ng napakatinding lakas na para bang isang landslide. Gaano katagal mo itong sinanay?"
Tanong niya kay Duan Ling Tian ng may kasamang pagkislap sa kanyang mga mata.
Kahit na hindi gaanong nakita ng ibang mga miyembro ng pamilya Li ang lalim ng galaw na ito ay nakita niya ito ng napakalinaw sa kanyang mga mata.
Napakasimple lamang ng galaw na iyon ngunit kaya nitong maglabas ng napakatinding lakas.
ang kanyang buong katawan ay nakasentro sa iisang lugar lamang sa loob lamang ng ilang saglit matapos pakawalan ni Duan Ling Tian ang kanyang suntok,
Isa tong galaw na napakahirap gawin kahit na ng isang taong sanay na sa high grade Yellow Rank martial skill.
Hindi, kahit na siguro ang mga sanay sa ordinaryong Profound Rank martial skills ay mahihirapang pa rin na gawin ang galaw na iyon!
Ang martial arts sa buong Cloud Continent ay nahahati sa apat na ranggo: Heaven, Earth, Profound at Yellow. Heaven bilang pinakamataas at Yellow bilang pinakamababa.
At ang bawat ranggo ng isang martial skill ay nahahati sa apat na grade. Ito ay ang high, middle at low.
Mayroon lamang ang pamilya Li na isang high grade na martial skill bukod sa mga low at middle grade martial skill na nakatago sa loob ng Martial Pavilion. Ito ay ang Wind Chaser Palm.
Ang mga maaaring lamang magsanay at gumamit nito ay ang mga miyembro ng pamilya Li na nabibilang sa Core Formation Stage o mas mataas pa rito.
Pero alam ni Li Ting na kahit na makumpleto mo ang iyong pagsasanay sa Wind Chaser Palm ay hindi parin nito kayang tumbasan ang galaw na kanyang nakita sa laban kanina.
"Tinatawag itong Collapsing Fist!" sabi ni Duan Ling Tian. Hindi na siya nagsabi ng kahit ano tungkol sa haba ng oras na kanyang iginugol upang sanayin ito.
Paano niyang sasabihin na sinanay niya ito sa loob ng mahigit na sampung taon?
Isa sa limang Elemental Fist moves na galing sa Form at Will Boxing ang Collapsing Fist na isang uri ng direktang suntok.
At kinakailangang ikubli ang pagkuha ng lakas at magbigay ng isang hindi napakabilis na hindi inaasahang pag atake na tatagos hanggang sa mga internal organs ng kalaban. Isa itong uri ng Fist Technique na may napakalakas na penetrating capabilities.
Mukhang napakadali kung titingnan ang Collapsing Fist. Ngunit ang pagkuha ng lakas nito ay manggagaling sa buong katawan kasama na ang mga internal organs.
Upang makuha ang parehong lakas at galaw ng ginawa ni Duan Ling Tian ay nangangailangan ito ng higit sa sampung taon ng matinding pagsasanay.
"Ika limang nakatatanda, ako po ay uuwi na. Tungkol naman po sa pangyayari kanina ay alam niyo naman po kung sino ang naghamon at nagsimula ng laban na ito. Sana po ay maging saksi po kayo para sa akin." Sabi ni Duan Ling Tian
Pagkatapos ay tumalikod ito at umalis.
"Isang Collapsing Fist? Kahanga hanga ang batang ito! Matagal ng itinatago sa iyo ito ng iyong anak Li Rou at naghihintay lamang siya ng tamang panahon upang maipakita ito!"
Nagbuntong hininga si Li Ting at sinubukang alisin ang kanyang pagkabalisa sa nangyari.
Napansin niya na ang Collapsing Fist na ginamit ni Duan Ling Tian ay hindi ganoon kadaling sanayin. Naniniwala siya na itinatago lamang ni Duan Ling Tian ang kanyang totoong lakas at kahinaan habang naghihintay sa tamang panahon.
Nagsialisan na rin ang mga miyembro ng pamilya Li na nanood sa laban.
Alam nilang lahat na ang katakot takot na suntok na ginawa ni Duan Ling Tian ay tinatawag na Collapsing Fist!
"Nakakatuwa!"
Matapos makauwi ay huminga ng napakalalim si Duan Ling Tian na tila ba nabunutan siya ng isang malaking tinik habang isang sandali ng ngiti ang nakita sa kanyang murang mukha.
Ito ang unang beses na ginawa niya ng walang pagaalinlangan ang parehong Form at will Boxing sa mundong ito mula ng dumating siya rito!
Sa mga sandaling iyon ay naramdaman niya na parang siya ay bumalik sa nakaraan niyang buhay na puno ng karahasan at pagkasabik.
Noong siya ay makabalik sa kanyang silid, napansin niya na sasapat na lamang sa dalawang pagligo ang natitira niyang Seven Treasures Body Tempering Liquid.
"Mukhang kailangan ko na magpabili ulit kay ina ng mga sangkap sa paggawa ng gamot."
Sinanay niya ng maigi ang kanyang sarili sa Nine Dragons War Sovereign Technique habang siya ay nakaupo sa kanyang batya at naliligo sa gamot na kanyang ginawa. Ngunit lingid sa kanyang kaalaman, ang kanyang pagkapanalo laban kay Li Xin ay magsisimula ng matinding kaguluhan sa dating matiwasay na pamilya Li.
"Oy! Narinig mo na ba ang balita? Nakumpleto na raw ng anak ng ika siyam na nakatatanda ang kanyang Body Tempering at tumungtong na sa unang antas ng Body Tempering Stage!"
"Pfffft! Matagal ko ng alam yan. Pero alam mo ba na bukod sa pagtungtong ni Duan Ling Tian sa unang antas ng Body Tempering Stage ay malubha niya pang nasugatan at naparalisa ang kanang braso ni Li Xin sa isang labanan na sinaksihan ng ika limang nakatatanda!
"Talaga!? Nasanay na ni Li Xin ang Low Grade martial skill na Fierce Tiger Fist at siya ay nasa ikalawang antas na ng Body Tempering Stage! Huwag mong sabihin na hindi niya kayang talunin ang isang nasa unang antas pa lamang ng Body Tempering Stage na si Duan Ling Tian?"
"Walang kwenta yang Fierce Tiger Fist na yan! Napakasimple lamang ng Collapsing Fist ni Duan Ling Tian. Sadyang napakasimple pero nakakikilabot! Kahit na ang ika limang nakatatanda ay namangha rito…"
...
Ang epekto ng Collapsing Fist ni Duan Ling Tian ay gumrabe ng gumrabe ayon sa mga kuwento habang patuloy na kumakalat ang balita ng naging laban nila Duan Ling Tian at Li Xin.
Sinabi ng ilang miyembro ng pamilya Li na ito raw ay isang Profound Rank martial skill, ang iba naman ay nagsasabing isa raw itong Earth Rank Martial Skill. Mangilan ngilan naman ang nagsasabi na ang Collapsing Fist dawn a ginawa ni Duan Ling Tian ay isang Heaven Rank martial skill!
Sa loob ng isang silid sa isang napakalaking patyo ng pamilya Li…
Tinitingnan ni Li Kun ang nabaling braso ng kanyang anak habang siya ay nakatayo sa gilid ng kama kung saan nakaratay si Li Xin.
Naririnig niya pa rin sa kanyang mga tainga ang sinabi ng Pinaka nakatatanda na "Kakayanin ng Grade Nine Gold Injury Pill at pahinga ito kung isa lamang itong ordinaryong bali sa buto ika pitong nakatatanda. Pero ang balikat ng iyong anak na si Li Xin ay talagang wasak na wasak… Hindi parin nito magbabago iyon kahit na makuha mo pa ang huling Grade Eight Gold Injury Pill galing sa ama… Ako'y nakikiramay sa iyo."
"Duan Ling Tian, Papatayin kita… Kailangan mo nang mamatay!!"
Dumilat ng malaki ang mga mata ni Li Kun at kumislap dahil sa kanyang matinding galit habang nagngangalit ang kanyang mga ngipin at nakasara ng mahigpit ang kanyang mga kamay; Lumabas ang malakas na Origin Energy sa kanya habang siya ay umuungol.
"Kumusta na po ang aking nakababatang kapatid ama?"
Sa ilang sandali lang ay isang nagmamadaling boses ang narinig niya mula sa labas habang isang tao ang nagmamadaling pumasok sa silid.
Ang taong ito ay si Li Jie. Siya ang pinakamatandang anak ng ika pitong nakatatanda at maituturing na isang henyo sa larangan ng martial arts sa buong pamilya Li.
Nakatungtong na siya sa ika apat na antas ng Body Tempering Stage sa edad na labing anim. Nasanay na rin niya ang Middle Grade Yellow Rank martial skill na Falling Leaf Palm.
Ang mga miyembro ng pamilya Li ay maituturing ng matanda sa edad na labing anim.
Matapos ang seremonya sa pagtungtong nila sa edad na iyon ay ipadadala sila sa isa sa napakaraming negosyo ng pamilya Li sa Fresh Breeze Town at kahit na si Li Jie ay hindi nakaligtas sa resposibilidad na ito.
Nagmadali siyang umuwi nung malaman niya ang balitang nasugatan ng malubha ang kanyang kapatid na si Li Xin.
Huminga ng malalim si Li Kun at malalim na sinabi "Naparalisa ang kanang balikat ng iyong nakababatang kapatid Jie. Walang magawa ang kahit na sino kabilang ang pinakanakatatanda."
"Ano?!"
Nanginig ang buong katawan ni Li Jie na para bang ito ay tinamaan ng kidlat.
Ang pinakanakatatanda sa pamilya Li ay isang kilalang Grade Nine Alchemist sa buong Fresh Breeze Town! Kahit na siya ay hindi kayang gamutin ang mga sugat ng kanyang nakababatang kapatid. Malinaw na sa kanya ang ibig sabihin nito.
"Nakababatang Xin…"
Nanlaki rin ang mga mata ni Li Xin na nagliyab sa galit na hindi bababa sa galit na nararamdaman ni Li Kun!
Ang kanilang ina ay namatay habang ipinapanganak ang kanyang nakababatang kapatid. Inaalagaan niya itong maigi mula noong ito ay ipinanganak… At kahit na anong gusto niya ay siya namang binibigay ni Li Jie mapa pagkain man ito o laruan.
At ngayon na paralisado na ang kanang balikat ng kanyang nakababatang kapatid na sumira sa kanyang magiging kinabukasan. Napuno ng matinding galit si Li Jie!
"Sigurado po ba kayong si Duan Ling Tian iyon?" Tanong ni Li Jie habang siya ay nakatingin kay Li Kun.
"Noong marinig niya ang balita, hindi makapaniwala si Li Jie bukod sa pagaalala niya kay Li Xin… Paanong ang isang basurang kagaya ni Duan Ling Tian na kakukumpleto lamang ng kanyang Body tempering ay may kakayahang sugatan ng ganito katindi ang aking nakababatang kapatid?
"Oo, nakipagusap na ako sa ika limang nakatatanda. Si Duan Ling Tian nga iyon! Tatlong araw na ang nakalilipas at hindi manlang makakumpleto ng Body Tempering ang basurang iyon. Pero sinong makapagaakala na hindi lang siya nakatungtong sa unang antas ng Body Tempering Stage, natalo niya rin ang iyong nakababatang kapatid gamit ang sinasabi nilang high ranked martial skill na tinatawag na Collapsing Fist!" Tugon ni Li Kun habang nagngangalit ang mga ngipin nito.
"Collapsing Fist ng unang antas ng Body Tempering Stage huh?"
Malamig na tumawa si Li Jie at ang kanyang tingin ay parang isang makamandag na ahas. "Sumunod po kayo sa akin ama!"
Sa isang tahimik sa patyo.
"Ipinadala niyo raw po ako rito ina. May nangyari po ba?" Sabi ni Duan Ling Tian na kagagaling lang sa kanyang silid matapos maubos ng kanyang katawan ang Seven Treasures Body Tempering Liquid at nakita niya ang kanyang ina na si Li Rou na mukhang napahiya.
Tumingin ng tila walang kalam alam si Li Rou sa kanyang anak.
Hindi pa rin siya makapaniwala sa kanyang mga narinig kani kanina lang.
Para sa kanya, ang kanyang anak na nakakumpleto at nakatungtong sa unang antas ng Body Tempering Stage ay isang mahirap na bagay. Pero itong batang ito na nagpunta lamang sa Martial Pavilion ay pumaralisa sa bunsong anak ng ika pitong nakatatanda at hindi na ito kayang gamutin pa!
"Collapsing Fist… Maari mo bang ipaliwanag sa akin kung paano mo natutunan ang martial skill na iyan na siyang ikinamamangha ng ika limang nakatatanda hanggang ngayon?"
Nagpakita ng matamlay na ngiti si Li Rou nang tingnan niya ang kanyang anak na si Duan Ling Tian.
"Kung sasabihin ko po sa inyo ina na ang nagturo nito sa akin ay ang matandang lalaki sa aking panaginip ay maniniwala po ba kayo?"
Matapos nito ay makikita ang dismayadong ngiti ni Duan Ling Tian.
"Malaki ka na Tian… At dahil may mga lihim ka ng hindi mo kayang sabihin sa akin ay hindi na kita pipilitin pa. Pero lagi mong tatandaan na kahit anong manyari ay naandito ako palagi para sa iyo!"
Malalim na tumingin si Li Rou kay Duan Ling Tian at matamlay na huminga ng malalim.
"Ina."
Nanamlay bigla si Duan Ling Tian at namula ang kanyang mga mata ng bahagya.
Matapos ang ilang sandali ay nakarinig ang mag ina ng isang nakakairitang boses na para bang isang langaw ang nanggagaling sa labas. "Ika siyam na nakatatanda! Magpakita raw po kayo kay Li Kun sa labas!"
"At naglakas loob siyang magpunta rito?"
Mahinang kumislap ang mga mata ni Li Rou.
Sa sumunod na sandali ay lumakad papunta sa patyo ang ika pitong nakatatandang si Li Kun at ang kanyang panganay na anak na si Li Jie habang masamang nakatingin kay Duan Ling Tian.
"Ika pitong nakatatanda, hindi ka naman siguro nagpunta rito upang guluhin ang aking anak hindi ba?" Humakbang sa harap ni Duan Ling Tian si Li Rou na para bang pinoprotektahan niya ito at ngumiti.
"Huwag kang magalala ika siyam na nakatatanda… Ang laban sa pagitan ng iyong anak na si Duan Ling Tian at ng aking anak na si Li Xin ay nasaksihan ng ika limang nakatatanda. Ito ay nagresulta sa pagkaparalisa ng kanyang braso dahil sa kanyang kahinaan at wala na siyang maaaring takbuhan pa kung hindi ang kanyang sarili."
Huminga ng malalim si Li Kun habang itinatago ang galit sa kanyang puso.
"Ngunit ano ang sadya rito ng ika pitong nakatatanda…?"
Nagtaka si Li Rou matapos marinig ang sinabi ni Li Kun sa kanya.
"Maligayang pagbati ika siyam na nakatatanda," sabi ni Li Jie habang ito ay nakatayo sa tabi ni Li Kun.
Kumislap ang mga mata ni Li Jie habang siya ay nakatingin kay Duan Ling Tian matapos niyang batiin ang ina nito na si Li Rou.
"Ika siyam na nakatatanda, sinundan lamang ako ng aking ama papunta rito… Narito ako upang hamunin si Duan Ling Tian sa isang labanan. Narinig ko na ang kanyang ipinagmamalaking Collapsing Fist ay sadyang hindi mapapantayan."
Biglang nanlamig si Li Rou matapos marinig ang sinabing ito ni Li Jie.
"Ikaw nga si Li Jie kung hindi ako magkakamali. Mas matanda ka ng isang taon sa aking anak at nakatungtong na sa ikaapat na antas ng Body Tempering Stage habang ang aking anak ay nasa unang antas pa lamang ng Body Tempering Stage… Hindi ka ba nahihiya sa iyong sarili na hamunin siya?" sabi ni Li Rou habang siya ay nakatingin kay Li Jie.
"Ika siyam na nakatatanda, si Duan Ling Tian ay hindi isang ordinaryong martial artist na nakatungtong sa unang antas ng Body Tempering Stage. Madali niyang natalo ang aking nakababatang kapatid at ang kanyang lakas ay hindi mapapantayan!"
Ngumiti si Li Jie na para bang hindi niya napapansin ang panlalamig sa mukha ng ika siyam na nakatatandang si Li Rou.
At bago pa man malupit na paalisin ni Li Rou ang kanyang mga bisita ay biglang umalis si Duan Ling Tian sa likod ng kanyang ina.
"Matatanggap ko ang iyong hamon, pero sa isang kundisyon!"
Capítulo 6: Inscription Technique
Editor: LiberReverieGroup
"Tian!"
At biglang sumimangot si Li Rou. Napakalungkot niya noong malaman na gumawa ng desisyon ang kanyang anak nang hindi man lang siya kinokunsulta nito.
"Anong mga kundisyon?" Tanong ni Lie Jie habang nakatingin ito kay Duan Ling Tian.
Nakahanda siya sa kahit na ano pang kundisyon na ibibigay ni Duan Ling Tian, Basta pumayag itong makipaglaban sa kanya.
Ito na ang pinakamagandang pagkakataon para maipaghiganti niya ang kanyang nakababatang kapatid. Hindi rin niya palalagpasin ang nagawa nito sa kanyang kapatid!
"Simple lang ang aking kundisyon: Magtuos tayo sa susunod na buwan! Lalabanan lamang kita pagkatapos ng isang buwan. At kung natatakot ka o hindi pabor sa desisyong ibinigay ko ay walang problema. Hahayaan ko na lang din ito na para bang walang nangyari at hindi ka kailanman nagpunta rito upang hamunin ako."
Napakapayapa ng expresyon ni Duan Ling Tian noong panahon na iyon. Na para bang sigurado siyang papayang si Lie Jie sa kundisyong ibinigay niya.
"Sige, bibigyan kita ng isang buwan… Sana ay hindi magresulta sa takot ang panahong hiningi mo sa akin!"
Hindi nagdalawang isip si Lie Jie sa kanyang sinabi at nagpakita pa ito ng isang malamig na ngiti.
<Ang ibig sabihin ba nito ay kaya niya na ako talunin sa loob lang ng isang buwan?>
Kumunot ang noo ni Li Kun matapos nilang umalis sa tirahan nila Duan Ling Tian at sinabing "Maaari bang inantala niya ang inyong pagtutuos ng isang buwan dahil nakasisiguro siya sa kanyang sarili na kaya ka niyang talunin? Hindi ba't mukhang naging padalos dalos ang pagtanggap mo sa kanyang kundisyon kanina?"
"Ang basura ay mananatiling basura ama… At kahit na makumpleto niya man ang kanyang body tempering ay nasa unang antas pa rin siya ng Body Tempering Stage! Hinding hindi niya magagawang makatungtong sa ikalawang antas ng Body Tempering Stage sa loob lamang ng isang buwan" ang tumatawang sabi ni Li Jie habang ito ay punong puno ng tiwala sa kanyang sarili.
"Pero…"
Gusto pa sanang magpatuloy ni Li Kun sa kanyang pagsasalita ngunit naputol ito nang biglang magsalita si Li Jie
"Natatakot po kayo sa Collapsing Fist ni Duan Ling Tian hindi ba ama? Kung gayon ay maari na po kayong makahinga ng maluwag. Kahit na ang kanyang Collapsing Fist martial skill ay nabibilang sa Profound Rank o mas mataas pa rito, at kahit na makatungtong pa siya sa ikalawang antas ng kanyang Body Tempering Stage, Sa tingin niyo ba ay mapapantayan niya ang aking lakas sa pamamagitan lang ng isang Collapsing Fist?"
Napakalaki ng pagkakaiba sa lakas ng ikatlo at ika apat na antas ng Body Tempering Stage. Ang pagkakaiba ng dalawang ito ay umaabot sa higit na 100 pounds! Hindi na kailangan pang banggitin ang pagkakaiba sa pagitan ng ikalawa at ika apat na antas ng Body Tempering Stage…
"Masyado lamang nagiisip ng husto ang ama mo anak. Nahihilo lang siguro ako dahil sa kundisyon ng nakababata mong kapatid ngayon."
Matapos marinig ni Li Kun ang lohikal na paliwanag ng kanyang anak ay tumango ito at ngumiti ng bahagya.
Ipinagmamalaki niya ang kanyang panganay at kahit kalian ay hindi nito siya binibigo.
Matapos umalis ni Li Kun at ng kanyang anak ay napansin ni Duan Ling Tian na nakatitig sa kanya ang kanyang ina na si Li Rou ng may mga matang may bahid ng sama ng loob.
"Huwag po kayong magalala ina. Tiwala po ako sa sarili ko!" Madaling tugon ni Duan Ling Tian.
"Napapansin ko na ang mga pagbabago sa iyo Tian. Pero hindi nun ibig sabihin na kaya mo nang abutin ang mga bagay na hindi mo pa maabot! Kinikilala si Li Jie na isang henyo sa martial arts ng buong pamilya Li. Isa siya sa mga katangitanging miyembro para sa kaunlaran ng Pamilya Li. Kinikilala rin siya bilang pinakamalakas sa lahat ng may ika apat na antas ng Body Tempering Stage! Hindi siya maikukumpara sa kapatid niyang si Li Xin."
At nanghihinang nagbuntong hininga ito.
"Alam ko po ang mga sinasabi niyo ina. Maari niyo po bang pagkatiwalaan ako rito? Paniguradong mananalo po ako rito ina! Hinding hindi ko po kayo bibiguin!"
At tumingin si Duan Ling Tian sa kanyang ina ng may seryosong mukha.
"Lokong bata ka talaga. Hindi ako nagaalala sa kahihiyang idudulot nito. Nagaalala ako para sa iyo anak. Hindi kailanman gugustuhin ng iyong ina ang mga nangyari sa iyo ilang araw na ang nakalilipas… Halos iwanan mo na ako noon…"
Dahan dahang namula ang mga mata ni Li Rou habang ito ay nagsasalita.
Mukhang tumatak na sa kanyang puso ang nangyari sa kanyang anak ilang araw na ang nakalilipas.
"Ipinapangako ko po ina na hindi ko na kayo pagaalalahanin pa!" Seryosong sabi ni Duan Ling Tian.
"Sige anak, nagtitiwala ang ina mo sa iyo. Sana ay huwag kang mahihiyang magsabi sa akin kung ano ang mga kakailanganin mo ngayong buwan."
Bahagyang tumango si Li Rou habang pinipilit niyang ngumiti ng bahagya.
"Ibili niyo po ako ng mga sangkap sa paggawa ng gamot na binili niyo po noong isang araw. Kakailanganin ko rin po ang ilang piraso ng baryang pilak…"
Matapos makuha ang mga baryang pilak mula sa kanyang ina ay naglakad na ito palabas sa kanilang patyo at paalis sa kanilang tirahan.
Ito ang unang pagkakataon na aalis siya magisa mula noong makarating siya sa mundong ito.
Nahahati ang pamilihan ng Fresh Breeze town sa tatlong napakaiingay na mga eskinita sa pagitan ng tatlong mga pamilya kabilang ang pamilya Li. Ang puwesto ng pamilya Li sa pamilihan ay malapit sa kanilang ari arian sa hilagang bahagi.
Kasisimula pa lamang maglakad ni Duan Ling Tian sa pamilihan nang marinig niya ang malalakas na tawag ng mga tindero na nagtitinda ng kanilang mga produkto sa mga gilid ng eskinita. Napupuno naman ng mga nagkikinangang mga gamit ang mga tindahan sa gilid ng eskinitang ito.
Naramdaman ni Duan Ling Tian sa isang sandali na para ba siyang naglakbay papunta sa mga sinaunang panahon sa kanyang nakaraang buhay.
Makikita mo lang ang mga ito sa TV sa nakaraang buhay ko.
Kaliwa't kanang nagtingin si Duan Ling Tian habang naglalakad siya sa kalsada…
At noong marating niya ang pasukan sa tindahan ng sandata ng pamilya Li, nakita niya ang mga nagkikinangang mga sandata nito. Nagdalawang isip pa siya bago maglakad paalis sa bahagi ng pamilya Li sa pamilihan. Matapos nito ay naglakad siya papasok sa bahagi naman ng pamilya Chen, sa bahagi ng pamilihan na patungo sa timog kanlurang bahagi ng Fresh Breeze Town.
Isa ang pamilya Chen sa mga pinakamalalaking pamilya sa Fresh Breeze Town, Hindi ito nalalayo sa pamilya Li at pamilya Fang.
Bumuo ang tatlong pamilyang ito ng isang three-way power na pumipigil sa kahit na sino sa kanila na maging lamang sa isa't isa. At kahit na walang tumututol sa kanila ay napakapayapa sa Fresh Breeze Town at walang sinuman ang nagtangkang manlang at sirain ang kapayapaan doon.
At noong makapasok na siya sa tindahan ng sandata ng pamilya Chen, agad siyang binati ng nagtitinda rito. "Maaari ko po bang malaman ang inyong kailangan ginoo?"
Sabay ngiti ng nagbabantay sa kaniya.
Umiling naman si Duan Ling Tian at sinabing. "Hindi ako bibili ng kahit na anong sandata. Mayroon lamang akong kailangan na mga materyales mula sa iyo."
<Materyales lamang ang kanyang bibilhin sa halip na sandata?>
Nagulat ang nagbabantay noong marinig niya ang tugon ni Duan Ling Tian.
<Hindi kaya ay isang kakilakilalang manggagawa ng sandata sa likod ng kostumer na ito?>
Ang mga manggagawa ng sandata ay sadyang naiiba sa mga panday na nagtatrabaho sa tindahan ng mga armas. Ang kanilang mga estado ay maihahalintulad din sa estado ng mga alchemists.
Ang bawat manggagawa ng armas ay isang indibidwal na nakikipaglaban para sa kanilang kakayahan at kapangyarihan!
Ang mga sandatang nilikha ng mga panday ay naututuring lamang na mga pangkaraniwang mga armas. Ngunit ang mga ginagawang mga sandata ng mga manggagawa ng armas ay maituturing na mga Spirit Weapons na may kakayahang palakasin ang attack power ng sino mang gagamit nito at nagreresulta sa mga gamit na sadyang kakaiba.
Ang bawat isa sa tatlong mga makapangyarihang pamilya sa Fresh Breeze Town ay may isang alchemist. Pero wala ang kahit na isa sa kanila na miyembrong gumagawa ng mga armas.
Ipinapakita lang dito kung gaano kahirap makakita ng isang manggagawa ng sandata!
"Puwede ko bang malaman ang mga materyales na kinakailangan ninyo upang makuha ko na agad?"
Napansin agad ni Duan Ling Tian ang pagbabago sa kilos ng bantay at hindi man lang nagpakita ng kahit na anong uri ng paggalang ang boses nito.
Hinulaan na lamang niya ang rason nang hindi humihingi ng paliwanag mula rito.
Ang mga materyales na kanyang binibili ay hindi para sa paggawa ng sandata.
Ang Rebirth Martial Emperor ay isang Royal Grade Craftsman. Kung kaya't ang lahat ng kaalaman at karanasan nito sa paggawa ng sandata ay nasa kanyang mga ala ala. Ngunit para maging isang manggagawa ng sandata, Kinakailangan niya munang maabot ang Core Formation Stage at mapalakas ang kanyang Origin Energy.
Sumusunod din sa parehong konsepto ang mga graded alchemist. Pero hindi na sila nangangailangan pa ng Origin Energy. Napakaimposibleng makalikha ka ng Pill Fire para mahinang mo ang ibang mga tabletang ginagamit sa panggagamot.
Sinabi niya ang siyam na uri ng materyales na kinakailangan niya sa loob lang ng isang hingahan.
Kinakailangan niya ang mga materyales na ito upang magsagawa ng inskripsyon.
Ang mga pamamaraan sa pagiinskripsyon ay isa sa mga pinakamadalang na mga pamamaraan sa buong Cloud Continent. Kadalasan itong nakaukit sa mga pangkaraniwang sandata o kung hindi kaya sa mga personal na kagamitan lamang.
Ang mga kagamitang may inskripsyon ay kayang magdala ng napakalakas na kapangyarihan.
At kahit na hindi kakaiba ang lakas at maituturing na iba't ibang klase lamang ito ng mga abilidad, kapag napakawalan na ang lahat ng lakas, ay mauubos na ang inskripsyon na inukit sa bagay na iyon na para bang isang bomba na tuluyang mawawasak kapag ito ay sumabog.
At natuklasan ni Duan Ling Tian na ang panahon kung saan pinakakilala sa buong Cloud Contineng ang mga pamamaraan sa pagiinskripsyon ay noong ikalawang buhay na ng Rebirth Martial Emperor.
Sakim na minaster ng Rebirth Martial Emperor ang mga mahahalagang pamamaraan sa pagiinskripsyon sa mga panahong ito.
Kinakailangan ng Three Lives Rebirth Technique ng Rebirth Martial Emperor ang sampung libong taon na nakahimlay ang kanyang kaluluwa bago ito mabuhay nang muli.
At dahil dito, may kakayahan lamang siyang maghanap ng katawang mapapasukan pagkatapos ng sampung libong taon.
Natapos na ang sampung libong taon at ang mga pamamaraan niya sa pagiinskripsyon ay dahan dahan nang nawawala dahil sa hindi malamang dahilan.
Ito rin ang dahilan kung bakit ang mga estado ng mga master sa pagiinskripsyon ay talagang napakalayo kaysa sa mga estado ng mga alchemist at mga manggagawa ng sandata.
Ang siyam na uri ng materyales ay kinakailangan ni Duan Ling Tian para makagawa siya ng isang mababang antas ng pagiinskripsyon.
"Ang mga materyal na ito ay nagkakahalaga ng pitong baryang pilak ginoo."
Ang natapos na bantay sa tindahan ng pamilya Chen ang paghahanda sa mga materyales at ibinigay ito kay Duan Ling Tian.
Matapos niyang makita ang pagalis ni Duan Ling Tian sa tindahan, Nagtungo ang bantay ng tindahan ng armas sa tirahan ng pamilya Chen.
Ang balitang mayroong isang maggagawa ng armas ang dumating sa Fresh Breeze Town ay isang balita na hindi niya dapat ipagwalang bahala at agad na sabihin sa ama ng pamilya Chen upang maiwasan ang pagbagsak nila mula sa dalawa pang mga pamilya.
"Hindi kakasya itong pera na hawak ko… dalawampung baryang pilak lang ang ibinigay ni ina sa akin at sa loob lang ng ilang saglit ay nagastos ko na ang kulang kulang sa kalahati nito."
Napakamot na lamang ng ulo si Duan Ling Tian at dumaan sa shortcut pabalik sa tirahan ng pamilya Li.
At habang dumadaan siya sa intersection na nagdudugtong sa tatlong pamilihan ng Fresh Breeze Town ay napansin niya ang isang grupo ng mga tao na nakapalibot at tumuturo sa isang bagay na nasa gilid ng kalsada.
At dahil sa kanyang pagiging mausisa ay napagpasyahan niyang tingnan kung ano ang pinagkakaguluhan ng mga tao doon.
Isang babae na nakasuot ng panglamay na may mahabang buhok na nakapagbibigay akit sa kanyang mukha ang nakaluhod sa gilid ng kalsada.
At base sa kanyang pangangatawan ay mukhang nasa labinlimang taong gulang pa lamang ang dalagitang ito.
At sa harap niya ay may nakalagay na isang karatulang may nakasulat na: "Ibinibenta ko ang aking katawan upang maipalibing ko ang aking ina!"
Hindi niya maisip na ang isang tagpo na makikita niya lamang sa telebisyon sa nakaraan niyang buhay ay masasaksihan niya ng personal.
Bilang dating isang Hari ng mga Weapons Specialists, naramdaman niya agad ang naghihinagpis na aurang bumabalot sa katawan ng dalagitang ito.
"Hindi naman masama ang pangangatawan mo iha He he he… Itaas mo nga ang iyong ulo upang makita ko kung ikaw ba ay maganda, Bibilhin kita upang maging isang serbidora ko."
Sabi ng isang matabang lalaki na may pagkalakilaking tiyan na may maikling pasensya habang nakatingin sa nakaluhod na bata nang may bahid ng pagnanasa.
"Oo nga kung hindi mo itataas yang ulo mo, walang bibili sa iyo!" Sunod ng isang lalaki na nakatingin din sa dalagita.
"Itataas ko lamang ang ulo ko kung mayroon nang tao ang handang bayaran ang pagpapalibing ng ina ko" sabi ng babae habang ito ay nakayuko pa rin. Sobrang ganda ng boses nito na para bang isang oriole na kumakanta. Pero mahahalata rin ang pagiging matigas nito sa kanyang boses.
"Hindi na masama ang boses mo. Hindi ka siguro maganda kaya ayaw mong itaas ang iyong ulo. Ako ay…"
Natigil ang pagsasalita ng matabang lalaki noong marinig niya ang singhal na nag mumula sa hindi na makapagpigil na si Duan Ling Tian.
Lumakad si Duan Ling Tian sa dalagita at mahinhing sinabi na "Bibigyan kita ng sampung baryang pilak. Tumayo ka na at ipalibing ang iyong ina."
"Maraming salamat po Young Master."
Nanginig ang katawan ng dalagita habang itinataas nito ang ulo niya. Inalis din niya ang buhok na bumabalot sa kanyang mukha gamit ang kanyang makinis at payat na mga kamay.
Mayroon siyang napakakinis na kayumangging balat na kung saan makikita ang mura nitong edad. At ang kanyang napakagandang mukha ay napakasimple kahit na wala itong makeup.
Makikita rin sa ilalim ng kanyang mga maninipis na kilay ang pagkaganda ganda niyang mga mata na napuno ng pagluluksa. Makikita rin sa mga ito ang lakas ng loob na nagdulot ng pagkaawa para sa kaniya ng ibang tao.
Ang mala jade niyang ilong ay sadyang napakatangos at mayroon din siyang malambot at kaakit akit na mga labi na maguudyok sa kahit na sino na halikan siya.
Inisip din ni Duan Ling Tian, katulad ng matabang lalaki, na ang ang dahilan kung bakit ayaw itaas ng dalagitang ito ang kanyang ulo ay dahil sa hindi ito maganda. Pero sinong magaakala na ang batang ito ay may kaakit akit na kagandahan!
Kasabay ng kanyang napakagandang pangangatawan, katamtaman lang ang tangkad at payat pero siksik na katawan. Napakadali na lamang isipin ang magiging itsura niya paglaki… Siguradong isa siya sa mga kinahuhumalingan dahil sa kanyang angking kagandahan.
Nilunok ng mga lalaking nakapaligid sa kanya ang kanilang tumulong mga laway at ang mga mata nila ay napuno ng pagkasakim.
"Sampung baryang pilak lang ang ibinigay niya sa iyo. Bibigyan kita ng dalawampung baryang pilak! Sa akin ka na susunod mula ngayon."
Mabilis ding nagbigay ng mas mataas na presyo ang matabang lalaki nang malapit ng tumulo ang kanyang laway matapos sulyapan ang magandang mukha ng dalagita.
"Bibigyan kita ng 30!"
Tapat ng isa pang lalaki sa presyong inalok ng matabang lalaki.
"50 naman ang sa akin!"
"Kaya kitang bigyan ng 60!"
...
Nanlalamig na tiningnan ni Duan Ling Tian ang mga tao na sabik na sabik na nagpapataasan ng presyo para sa dalagita na para ba itong nasa isang auction.
Aalis siya agad kung pipiliin ng babae ang pinakamataas na magaalok sa kanya ng presyo. Anong klaseng tao ang hindi karapat dapat para sa tulong niya!
Presentes
-- Presente
recebido Status de energia semanal
200+ Ranking de
Poder 
138 Pedra de
Poder 
Comentário de parágrafo