Capítulo 1072: Pagbisita

Matapos ang isang maiksing sandali, umalis na rin si Mei Hua Knight. Direkta ring umalis ang country leader ng Ganwu Universe Country matapos ng pangyayaring ito. Sabagay, masyado nang nakakahiya ang manatili pa rito.

Tahimik na pinanood ni Luo Feng ang lahat.

Ang Country Leader ng Ganwu Universe Country. Suwerte ba siya? O malas? Siguradong hindi magagawang masabi ni Luo Feng saan dito pumapasok ang Country Leader ng Ganwu Universe Country, pero nagawa niyang makita na nasa gitna ito ng mahirap na sitwasyon.

"Kuang Zhou Knight, ikaw na ang bahalang humanap ng balita tungkol kay Tian Yang Knight. Maraming salamat sa pagtulong mo sa akin." Nagpatuloy si Luo Feng sa pakikipagusap kay Kuang Zhou Knight sa loob ng ilang sandali bago tumayo at naghandang umalis.

"Haha! Agad kitang sasabihan sa sandaling makakuha ako ng balita tungkol sa kaniya. Maliit na bagay lang ito kung tutuosin." Sabi ni Kuang Zhou Knight.