Capítulo 344: Ang Pagbubukas sa Pinaglalagyan ng Kayamanan

Kasalukuyang nasa gitna ng napakadilim na gabi ang mundo sa loob ng isa pang mundo.

Pansamantalang sumali ang team ni Luo Feng sa North Dragon Castle faction. Kasalukuyang nahahati ang core region ng mundong ito sa limang panig.

Ang North Dragon Castle faction.

"Sila po ang sinasabi ko sa inyo seniors, sina Luo Feng, Hong at Thunder God." Nakipagusap ang team ni Luo Feng sa mga miyembro ng North Dragon Castle, ipinakilala naman sila ni Heruo sa iba pang teams. "Ito ang aking senior na si Kazan Lun."

"Kayo pala ang nagligtas sa dalawa kong juniors, maraming salamat. Oo nga pala, may mga bagay pa ako na kinakailangang gawin, si Heruo na muna ang bahala sa inyo." Ngumiti si Kazan Lun habang papalayo sa kanila, napakapayat ng katawan nito, mayroon siyang taas na umaabot sa 1.5m at mga matang kulay berde. Mayroon din siyang napakabigat na aurang bumabalot sa kanyang katawan.

Pinanood nila ang pag-alis ni Kazan Lun.