章 273: Kung Hindi Sa Iyo Ukol, Hindi Bubukol!

"Ha? Kelan ka pa nagasawa? Bakit hindi ko alam ito? Asawa mo iyon, bakit ako ang tatanungin mo? Isa pa, sino ang babaeng sinasabi mo?"

Nagkunwari si Koji at hindi nagpahalata na alam niya kung sino ang tinutukoy ni Tanaga.

"Never mind, kung wala kang alam... Eh di wala!" Sabay talikod ni Tanaga upang sumunod sa maitre D'. Wala ng nagawa si Koji at Jeff kundi ang sumunod na rin.

"Ang ibig mong sabihin ay hindi mo alam na nagasawa na si Tanaga?" Bulong ni Jeff kay Koji.

Umiling lang si Koji habang sinusundan niya ng tingin si Tanaga na para bang gusto na nya itong kainin ng buhay.

Hindi ito nawala sa paningin ni Jeff at napailing ito sa kanyang nakikita. Biglang pumasok sa isipan ni Jeff na baka may kinalaman si Ashley sa nangyayari. 

Kailangan niyang makasigurado, dahil baka ito pa ang maging dahilan ng pagaalitan ng dalawa...