章 89: Chapter 89

Nakahinga ng maluwag si mamang bodyguard ng makita niya si Ashley na nasa labas malapit sa may sasakyan at mukhang tumawa pa.  'Ay' salamat po! Panginoong diyos at walang nangyari ke ma'am, kung hindi ay wala akong mukhang ihaharap ke sir Tanaga.' 

Pagdaan ng bodyguard sa may security guard, tumigil muna ito at tiningnan ito ng masama na hindi nagsasalita.  Nakaturo lang ang kanyang daliri na halos nasa mukha na nang security guard na nag-tataka kung bakit?

Nang makita ni Ashley si mamang bodyguard, mabilis na nagpaalam na sa pamilya at nanagakong tatawag madalas. 

"Sige po! Nay, Tay, mga kuya!  Tatawag po akong madalas, kaya wag kayong mag-alala sa akin.  Kayo din, puede nyo akong tawagan anytime...  Libre naman eh!  Bye! Tsup, tsup!"

Pagkatapos ni Ashley na makipag-usap, maganda ang ngiti niya na lumapit sa security guard at sa bodyguard na nakatingin lang at nagaantay na siya ay matapos.