章 640: Kasal (11)
編集者: LiberReverieGroup
Ang pinaka magandang pangako na pwedeng maibigay ng isang lalaki sa isang
babae ay ang pagpapakasal, at ganun din sa isang babae, ang pinaka
magandang paraan para maipahayag ang pagtitiwala nito sa isang lalaki ay sa
pamamagitan rin ng pagpapakasal.
Ang pagpapakasal na siguro talaga ang pinaka magandang bagay na pwedeng
maranasan ng isang tao sa mundong ito.
At handang ibigay ni Qiao Anhao ang napakagandang bagay na ito para lang
makumbinsi si Lu Jinnian na talagang siya nito.
Kung talagang handa nitong ipagkatiwala sakanya ang mga natitirang araw
ngbuhay nito, ang ibig sabihin lang ay gusto nitong talagang makipagbalikan.
Habang iniisip ito ni Lu Jinnian, magkahalong saya at lungkot ang bumalot
sakanyang mga mata.
Bandang huli, talo pa rin talaga siya pagdating kay Qiao Anhao.
Sa tuwing sinusubukang tumawid ni Qiao Anhao sa linya niya, handa siyang
babaan ito palagi para maabot nito…
Pero sino nga bang dapat niyang sisihin?
Bukod kay Qiao Anhao, wala na siyang ibang minahal.
-
Alas tres na ng hapon noong makalapag ang eroplanong sinakyan nila sa
Beijing International Airport.
Dahil winter ngayon sa Beijing, napakalakas ng hangin at kahit tirik na tirik ang
araw ay sobrang nkakaginaw pa rin.
Nag'taxi lang si Lu Jinnian noong pumunta siya sa America, kaya wala siyang
naiwang sasakyan sa airport. Dahil dito, kinailangan nilang pumila sa hintayan
ng taxi.
Pagkasakay na pagkasakay nila ay nagtanong kaagad ang driver, "Saan po tayo
pupunta?"
Walang pagdadalawang isip na sumagot si Lu Jinnian, "Civil Affairs Bureau."
"Sige." Base sa paraan ng pananalita ng driver, halatang lokal na residente
talaga ito ng lugar.
Pero, hindi pa man din sila nakakalayo ay biglang nagsalita si Qiao Anhao,
"Mister, pwede bang sa Jindian street tayo."
"Ah? Hindi sa Civil Affairs Bureau?" Naguguluhang tanong ng driver.
Biglang lumungkot ang itsura ni Lu Jinnian.
Dali daling namang nagpaliwanag si Qiao Anhao, "Hindi ko kasi dala ang
identification book ko."
Dahil sa paliwanag ni Qiao Anhao, muling nanumbalik ang saya sa sa mukha ni
Lu Jinnian at hindi pa man din ito tapos magsalita ay bigla siyang tumingin sa
driver. "Jindian street."
Kakaumpisa palang ng bagong taon kaya wala pa masyadong taong dumadayo
sa siyudad na nagresulta sa di hamak na kakaunting sasakyang bumabyahe.
Dahil dito, wala pa man ding kalahating oras ay nakarating na sila kaagad sa
pupuntahan nila.
Binayaran ni Lu Jinnian ang driver at sabay silang sumakay sa elevator para
puntahan ang bagong apartment ni Qiao Anhao.
Nang makarating na sila sa unit, mabilisang binuksan ni Qiao Anhao ang pintuan
at hindi pa man din siya nakakapagpalit ng sapatos ay nagmamadali siyang
tumakbo papunta sakanyang tulugan.
Inilapag ni Lu Jinnian ang kanyang maleta sa may bandang pintuan at
pinagmasdan ang apartment nito – may nakapatong sa dining table na isang
plastic ng tinake out na pagkain, habang ang sofa naman nito ay puno ng mga
underwear at magasin. Biglang kumunot ang kanyang noo at naglakad papasok
para sana pagligpitan ito, pero noong sandaling makalapit siya sa coffee table,
napansin niya na may nakapatong dito naisang kaha ng sigarilyo at isang
pirasong papel.
Medyo matagal din siyang natigilan damputin ang mga ito.
Una niyang binuksan ang papel: tumambad sakanya ang isang napaka pamilyar
pamilyar na sulat kamay.
Nabasag na ang porcelain doll…
Hindi nagtagal ay binuksan niya naman ang isamg kaha ng sigarilyo at binilang
ang laman nito. Mayroon itong labing-walong sticks… sigurado siya na ito ang
kaha na naiwanan niya sa set ng 'Heaven's Sword'.
'Yun ang kauna unahang pagkakataon na bumalik siya ng Beijing sa apat na
buwan siyang nawala.
Noong araw na 'yun, umuwi lang siya para magbigay galang sa death
anniversary ng kanyang nanay. Sa totoo lang, wala talaga siyang balak na
makita si Qiao Anhao kaya pagkatapos niyang dumalaw sa puntod, kumuha siya
kaaad ng ticket paalis ng Jiangxi.
Noong gabi ring iyon, gusto niya na talagang umaalis kaagad pero bigla niyang
narinig na sumisigaw ito.
Habang inaalala ni Lu Jinnian ang mga nangyari noong gabing iyon, may narinig
siyang yabag ng mga paa kaya dali dali niyang ibinalik sa coffee table ang kaha
ng sigarilyo at ang kasama nitong papel. Pagkatalikod niya, nakita niyang
tumakbo siya Qiao Anhao palabas ng tulugan habang hawak ang identification
book nito.
-- 贈り物
が届きました 
-- 推薦
ランキング 
-- 推薦
チケット