章 758: Ang Desisyon ni Xu Jiamu (18)
編集者: LiberReverieGroup
Si Lu Jinnian, na napilitan nalang manuod, ay bigla ring napanganga sa ginawa
ni Qiao Anhao.
Pagkatapos magperform, huminga ng malalim si Qiao Anhao at parang batang
inosente, dali-dali siyang tumalon sa kama at tinignan si Lu Jinnian ng diretso sa
mga mata, "Ano? Kamusta?"
Biglang nahimasmasan si Lu Jinnian at niyakap ito, "Magaling."
"Gaano kagaling?"
"Magaling na magaling na magaling."
"Kung ikaw yung hurado, ilang points ibibigay mo sa akin?"
"One hundred points."
"Totoo?"
"Mas totoo pa sa ginto."
Yumakap si Qiao Anhao sa braso ni Lu Jinnian at kinikilig na ngumiti. Sa
sobrang saya, para siyang kiti kiti na hindi mapakali. Umikot siya para sumandal
sa likod nito at payabang na sinabi, "Alam mo, yun din yung palagay ko eh!"
"Ang yabang naman." Natatawang sagot ni Lu Jinnian. "Hindi ka ba nahihiya?"
Tinignan ni Qiao Anhao ng masama si Lu Jinnian at binuksan ang kanyang
bibig, na para bang kakagatin niya ito, pero bandang huli, bigla niya itong
hinalikan sa pisngi at malokong sinabi, "Hmmm.. Sige, bilang reward mo sa
pagsasabi ng totoo, bababa muna ako para paglutuan ka ng breakfast."
Pero noong paalis na siya, biglang niyakap ni Lu Jinnian ang kanyang bewang
at ginantihan ng halik. "Parang mas gusto kitang gawing umagahan…"
At hindi nagtagal, biglang gumapang ang kamay nito sa loob ng kanyang
pajamas.
Teka lang Lu Jinnian?! Hindi pa nga ako nakakarecover sa ginawa natin kagabi,
tapos ito nanaman tayo? Nako… Hindi pwede… May performance ako
mamayang gabi at kailangan kong ikundisyon ang katawan ko.
Para awatin si Lu Jinnian, walang pagdadalawang isip niyang kinurot ang
bewang nito at noong bigla itong huminto, sinamantala niya ang pagkakataon na
itulak ito papalayo at tumakbo papasok sa CR.
Pagkasarado ni Qiao Anhao ng pintuan, natawa nalang si Lu Jinnian sa
pinagagagawa nila at imbes na habulin ito ay bumalik siya sa tulog.
-
Masyado pang maaga para maligo, kaya pagkapasok ni Qiao Anhao sa CR,
nagtooth brush nalang muna siya at nagmuni-muni kung anong magandang
suotin para sa performance niya mamayang gabi, pero habang nakatingin sa
salamin, napansin niya ang iniwang chikinini ni Lu Jinnian sa leeg niya, kaya inis
na inis siyang ngumuso.
Nagmumumog siya ng mouthwash at pagkadura niya, hindi niya sigurado kung
dahil lang ba sa toothpaste o ano, pero bigla siyang naduwal.
Wala naman siyang naramdamang kakaiba kaya binalewala niya lang ito.
Kagaya ng nakasanayan, mabilisan siyang naghilamos, naglagay ng manipis na
moisturizer at nagpalit damit bago bumaba para magluto.
Saktong katatapos niya lang maghanda ng umagahan noong bumaba si Lu
Jinnian.
Umupo sila ng magkatapat. Kumuha si Qiao Anhao ng tinapay at dire-diretso
itong sinubo, pero parang natabangan siya kaya pinaabot niya kay Lu Jinnian
ang apple jam. Habang naghihintay, tumikim muna siya ng prinitong itlog, pero
noong lulunukin niya na ito, bigla namang nagloko ang kanyang tyan.
Hindi niya maintindihan kung anong nararamdaman niya dahil noong una,
parang nasusuka siya na ewan pero noong tatayo na siya, bigla namang
nawala.
Binuksan muna ni Lu Jinnian ang apple jam bago niya ito iabot kay Qiao Anhao,
pero noong napansin niya na bigla itong natigilan habang may hawak hawak na
chopsticks, nagaalala siyang nagtanong, "Anong nangyari?"
Dali-daling umiling si Qiao Anhao at hinimas ang kanyang tyan. "Wala… parang
may kakaiba lang."
-- 贈り物
が届きました 
-- 推薦
ランキング 
-- 推薦
チケット