章 960: Ang dalawa sa tatlong pinakamasayang bagay (2)
編集者: LiberReverieGroup
Dahil mali ang pagkakalagay ni Little Red Bean si piraso ng 'Xinjiang', ang
buong akala niya ay 'yun ang tinutukoy ni Little Red Bean. "Okay lang yan. Ako
naman yung gumulo niyan eh."
Pagkatapos, dali-dali niya itong inayos at nakangiting tumingin kay Little Rice
Cake. "Diba, maayos na, pwede na tayong pumunta!"
"..."
Isa sa pinaka nakakatuwa sa pagkakaibigan nina Little Rice Cake at Little Red
Bean ay kahit anong mapagusapan nila, bandang huli ay nagkakasundo talaga
sila, kagaya ngayon… napagdesisyunan nilang magpakasal para hindi na nila
kailanganing pumasok sa school.
Kinabukasan, habang nasa byahe sila papasok sa school, biglang sinabi ni
Little Rice Cake kay Xu Jiamu, "Unle, papakasalan kop o si Little Red Bean."
"Opo, daddy, papakasalan ko po si Little Rice Cake."
Sobrang inosente pero nakakakilabot – ito ang eksaktong naramdaman ni Xu
Jiamu, at sa sobrang pagkagulat niya sa sinabi ng dalawang bata, dahan-
dahan niyang inihinto sa gilid ng kalsada ang sasakyan para magpaliwanag ng
mahinahon. "Kuya ko si Lu Jinnian, ibig sabihin magkakakamag'anak tayo kaya
hindi kayo pwedeng magpakasal. Ayon sa batas, magpinsan kayong dalawa
…"
Sa totoo lang, alam ni Xu Jiamu na masyado pang bata sina Little Rice Cake at
Little Red Bean para maintindihan ang sinabi niya, pero umaasa siya na kahit
papaano ay makuha ng mga ito ang punto niya.
Hindi na sumagot ang dalawang bata kaya akala ni Xu Jiamu ay maayos na,
pero hindi pa man din sila nakakalayo ay muling humirit si Little Rice Cake.
"Uncle, pwede po ba kayong mag'divorce?"
Dahil dito, muling naapakan ni Xu Jiamu ang preno, pero sa pagkakataong ito,
hindi niya na nakontrol ang lakas niya.
"Uncle, idivorce mo na sip o si auntie, para mapakasalan ko na po si Little Red
Bean."
Kaya si Xu Jiamu, na sobrang pasensyoso sa dalawang bata, ay biglang
pumintig ang tenga at naiinis na sumagot, "Hindi ako makikipag'divorce, at
kahit na magdivorce kami ng auntie mo, hindi pa rin kayo pwedeng magpakasal
kasi magkamag'anak kayo!"
Pero pagkalipas lang ng halos limang segundo, si Little Red Bean, na kanina
pa nanahimik ay hindi na natiis at sumawsaw na rin, "Daddy, mula ngayon,
pinuputol ko na po ang pagiging magkadugo naming ni Little Rice Cake."
At dahil sobrang talino ni Little Rice Cake, muli nanaman siyang gumatong,
"Edi pwede na tayong magpakasal!"
Sa pagkakataong ito, alam ni Xu Jiamu na kahit anong paliwanag niya ay hindi
talaga maiintindihan ng dalawang bata, kaya imbes na makipagtalo ay
huminga nalang siya ng malalim at humarurot ng takbo papunta sa
kindergarten. Pagkarating nila, ibinaba niya lang ang mga ito at umalis na siya
kaagad.
-
Noong mga unang buwan mula noong umuwi si Little Red Bean galing
America, medyo nahihiya pa siya kina Lu Jinnian at Qiao Anhao.
Para kay Xu Jiamu naman, isa siyang napaka gandang sorpresa…. Sa totoo
lang, noong una, medyo nahirapan siya dahil ang pagkakaalam niya ay si Jiang
Licheng ang daddy niya, pero dahil sobrang lambing at bait sakanya ni Xu
Jiamu, hindi nagtagal ay nakuha rin naman nito ang tiwala niya…
Siguro dahil sa lukso ng dugo, mula noong tanggapin ni Little Red Bean si Xu
Jiamu, kapansin-pansin na mas naging close sila kumpara pa kay Song
Xiangsi, pero siyempre mahal niya pa rin naman ang mommy niya, at siguro
sadyang daddy's girl lang talaga siya.
Ngayong araw, lumabas lang sandali si Song Xiangsi. Naiwan si Little Red
Bean sa play room na naglalaro ng slide, kaya noong nagutom na siya,
humingi siya kay Xu Jiamu ng gatas.
Wala pang limang minuto noong bumalik si Xu Jiamu, pero noong sandaling
'yun, aksidente palang nalaglag si Little Red Bean sa slide. Sa totoo lang, hindi
naman talaga siya nasaktan dahil sinadya nina Xu Jiamu at Song Xiangsi na
kapalan ang carpet, pero noong patayo na siya para mag'slide ulit, biglang
bumukas ang pinto, kaya dali-dali siyang bumalik sa pinaglaglagan niya at
umiyak ng umiyak.
At dahil dito, kumaripas naman ng takbo si Xu Jiamu para buhatin siya, pero
pagtahan niya, bigla niyang tinapik ang ulo nito, at kagaya ng madalas niyang
naririnig na sinasabi ng mommy niya, inulit niya ito sa daddy niya, "Ikaw bata
ka, paano ka ba mag'alaga ng bata!"
-- 贈り物
が届きました 
-- 推薦
ランキング 
-- 推薦
チケット