章 968: Ang dalawa sa tatlong pinakamasayang bagay (10)
編集者: LiberReverieGroup
Pagkarating niya, may pasyente pang inaasikaso ang doktor kaya halos
kalahating oras pa siyang naghintay bago siya ma'entertain nito. Walang
pinagkaiba sa palagi niyang ginagawa sa loob ng nakalipas na walong taon
ang ginawa niya ngayong araw. At noong lumabas na ang resulta, binasa niya
ito ng tahimik at imbes na itanong ang palagi niyang tinatanong na "Kamusta
na ang kundisyon ko?" ay biglang siyang nagtanong ng, "Wala na ba talagang
pagasa na mabuntis ako?"
Dahil dito, biglang natigilan ang doktor at halos isang minuto rin itong
natahimik bago makasagot, "Miss Qiao, base sa kundisyon mo…"
"May pagasa pa akong mabuntis?" Kalmadong sabat ni Qiao Anxia, "Pero ang
pagasang ito ay sooobrang liit sa puntong mas posible pa ring hindi, tama?"
Dahil sa sinabi ni Qiao Anxia, biglang natahimik ang buong clinic, at noong
akala niyang hindi na magsasalita ang doktor, bigla itong nagpatuloy ng
malumanay, "Sa totoo lang, sobrang lalim ng naging pagkasaksak sayo.
Dumiretso 'yun sa matris mo, kaya naapektuhan ang ovaries mo. Kaya diba
palagi kong sinasabing maliit lang ang tsansa mong magbuntis ay dahil hirap
ang ovraries mong mag'ovulate. Gusto kong maging tapat sayo. Sa tagal na
nating nag'gagamutan, wala talaga akong makitang improvement lalo na
ngayon na tumatanda ka na, magkaroon man ng milagro na gumaling ka,
masasabi kong mahihirapan ka pa ring magbuntis dahil sa edad mo…" Base
sa itsura ni Qiao Anxia, ramdam ng doktor na sobrang nasaktan ito, kaya para
gumaan ang pakiramdam nito kahit papano, dali-dali siyang nagpatuloy, "Pero
kung gusto niyo talagang magka'anak, bakit hindi kayo mag'ampon? Hindi
naman kailangan na kadugo niyo ang bata para matawag niyo siyang anak
diba? Kapag tumagal ang pagsasama niyo, mararamdaman niyo yung
koneksyon niyo sa bawat isa…."
-
Saktong tanghalian nang makalabas si Qiao Anxia sa ospital, pero matapos
ang lahat ng mga narinig niya, wala siyang ganang kumain, kaya imbes na
dumiretso sa isang restaurant, naglakad siya papunta sa katabing park ng
ospital at umupo sa isang bench hanggang mag'gabi.
Pagkauwi niya, nasa bahay na rin si Chen Yang, pero dahil sa sobrang bigat
ng naging araw niya, dumiretso siya kaagad sa kwarto para makapagpahinga.
Kasalukuyang nagshoshower si Chen Yang at nakalapag lang ang phone nito
sa kama, kaya kinuha niya ito para ilagay sa side table pero bigla itong
nag'alert at bumungad sakanya ang isang text galing kay Lin Wei.
"Brother Yang, birthday ko sa darating na Linggo. Manlilibre ako ng dinner sa
Golden Magnificence, sama ka?"
Alam ni Qiao Anxia ang galawan ni Lin Wei…. Base sa pagkakakilala niya rito,
maganda at mahaba ang pasensya nito, at hindi kagaya ng mga tipikal na
mayayamang babae, hindi nito umaamin na gusto nito si Chen Yang. Ilang
beses niya na ring dinalaw ang asawa niya sa trabaho, at sa tuwing gagawin
niya 'yun, nakikita niya si Lin Wei na pasimpleng naglalagay ng merienda sa
lamesa nito. Siguro gusto talaga ng babaeng ito ang asawa niya, pero
natatakot lang itong makasira ng pamilya.
Ilang segundo rin siyang nakatitig sa screen ng phone ni Chen Yang, bago
siya mag'reply kay Lin Wei. Kagaya ng inaasahan, mabilis itong nagreply
sakanya kaya nakailang palitan rin sila ng message pero noong magrereply na
sana siya ulit, narinig niya na biglang huminto ang tubig kaya dali-dali niyang
binura ang ebidensya.
-- 贈り物
が届きました 
-- 推薦
ランキング 
-- 推薦
チケット