章 20: Bagian ka 20
Bela kase tau ka Ade kalo dia berhasil dapa Adit pe alamat. Ade dan Bella lompa-lompa senang diatas ranjang mama. Bella dan Ade rencananya mo kase kejutan ka Adit tapi kakak ade itu nintau nanti justru
dorang yang mo ta kage
Bela dan Ade putuskan datang ka Adit pe rumah pada hari Sabtu ato Minggu, kaka ade itu so minta ijin lebe dulu ka dong pe mama dan mama kase ijin ditambah ceramah panjang lebar yang bekeng kaka ade itu diam saribu bahasa.
Akhirnya dorang menuju ka Adit pe rumah, dorang nae oto yang dorang order pake aplikasi
GoBan.
dorang dua deg-degan
"giapa kita nyanda tenang yah"
Bela pegang dia pe toto yang berdegup kancang
"semoga ada ko Adit dirumah"
sampe dimuka pintu rumah Adit, Bela kase kumpul dia pe brani sambil komat-kamit baca doa, Bela
pencet bell rumahnya Adit
"ting tong" begitu dia pe bunyi
kemudian Ade dengan isengnya pencet bell itu beberapa kali
"ting tong, ting tong, ting tong"
Bela haga jaha ka Ade
yang lagi
angka dia pe bahu. Blom sempat Bela ba veto pa Ade pintu rumah Adit ta buka. Bela dan Ade tegang diam rupa patong
"iyo ada apa yah" sapa tuama itu heran lihat dua anak yang dia nyanda kenal
"eh..eh.."
"om, om apa ko Adit nya ada? tanya
"mmm Aditnya lagi kaluar mungkin sabantar lagi dia pulang kerumah" kata Kristina
"mmm maaf yah kalo boleh tau ngoni Adit petamang"
"iyo torang Adit pe tamang, kita pe nama Adelin biasa ja pangge Ade kalo ini kita pe cici namanya Anabela biasa ja pangge ci Bela"
Ade
memperkenalkan dirinya ke papinya Adit
Bela hanya manggut-manggut saja, dia pe bibi seperti direkat dengan lem.
Krisna buang napas
"oh Adit pe tamang yah"
"iyo" Bela dan Ade kompak
"Ayo maso" Krisna kase ijin dorang maso
Krisna suruh kakak ade itu duduk, Bela dan Ade duduk
disofa itu
"ngoni mo minum apa"
"air putih saja"
"kalo kita jus jeruk om"
"Ade jang bekeng susah pa tuan rumah, ini bukang torang pe rumah"
"Oh nyanda pa-pa kok, nda nyusahin kok, nanti om bekeng dulu yah, om ka dapur ntar"
"iyo ome, maaf"
Krisna lalu pigi ka dapur
"Ade ngana ini bekeng malo jo, liat nih muka cici"
"muka cici model kepiting rebus"
"Ade"
Bela bekeng rapat dia pe gigin sambil bekeng besar dia pe bola mata sedang si Ade hanya goyang-goyang kakinya sambil liat-liat bingkai foto didinding rumah itu
tiba-tiba bunyi suara oto dapa dengar dari luar.
Bela dan Ade pikir itu mungkin Adit yang so pulang, ka dua kakak ade itu sebenarnya ingin mo sambut Adit dimuka pintu mar dapa rasa nyanda sopan kalo dorang mo bekeng lagi pula dorang sedang ba tamu
dirumah orang
"Kris, Krisna"
suara itu ba pangge pa tuan rumah.
Bela dan Ade tiba-tiba rasa tegang, itu bukang suaranya Adit itu rupa suara orang basar, apa itu
papanya Adit. Bela meramas tangan adenya, dorang sambil haga baku haga, liat baku liat ekspresi satu deng laeng
nyanda lama kemudian Krisna menghampiri suaminya
"Ada apa brur kok ba ba taria, diruang tamu ada tamu"
"tamu, siapa?"
"Adit pe tamang-tamang"
"mmm"
"ngana ada liat berkas yang kita simpang kemarin kita lupa taruh dimana"
"kita ingat, ngana ada taruh dibrankas diruang kerja"
Arthur hanya mengangguk dan pergi ka ruang dia pe ruang kerja disana dia buka dia pe lemari kerja dan ada brankas didalam lemari itu lalu dia memasukkan pin yang so dia hafal dan brankas itu ta buka ternyata
berkas yang dia cari-cari ada didalam brankas itu kemudian dia tutup brankas itu dan menutup lemari itu dan dia slot lalu dia simpang itu kunci ditampa yang dia tahu
Krisna datang menghampirinya "apa so dapa itu berkas"
"iyo sudah kita so dapa, kita bale dulu ka kantor sabantar ada meeting penting"
"oh iyo, apa ngana mo suka baku dapa deng Adit pe tamang-tamang"
"nanti jo kita buru-buru, titip salam jo for Adit pe tamang-tamang"
lalu Arthur kaluar dari rumah dan maso ka dalam oto, dia kase tinggal tu rumah menuju pa dia pe kantor
Bela dan Ade ada dengar tu suara oto so menghilang. Dorang buang nafas lega. Kemudian Krisna
menghampiri dorong
"Bela, Ade maaf yah kita pe paitua tadi panik nyariin dia pe berkas-berkas dan untung dia pe berkas dia so dapa"
Bela dan Ade angguk-angguk nyanda ma ngarti
"oh iyo kita pe laki titip salam for ngoni berdua"
Skali lagi Bela dan Ade angguk-angguk dorang pe kapala
"Eh maaf yah om lupa mo bekeng minum for ngoni kalo bagitu om ka dapur mo bekeng itu minuman"
"nyanda usah om nanti torang minum dirumah aja"
"kalo bagitu kita deng kita pe ade pamit dulu"
"Eh apa ngoni nyanda nunggu Adit pulang dulu"
"maaf om torang so musti pulang, nyanda ada orang dirumah"
"torang pulang dulu yah"
"iyo, bae-bae dijalang"
setelah Ade dan Bela pamit ke papinya Adit lalu dorang pigi dari rumah Krisna pake oto yang Bela
so order tadi
週次パワーステータス
-- 推薦
ランキング 
-- 推薦
チケット