章 287: Ala-alang Nagbabalik

Mabilis na nilapitan ng isa sa bodyguard si Tanaga, habang ang isa naman ay mabilis na tumakbo papunta sa nurse station upang humingi ng tulong. Ilang sandali pa ay dumating ang bodyguard na humingi ng tulong na may kasamang Doctor at at ilang Nurses.

Si Tanaga naman ay nabuhat na ng bodyguard na tumulong sa kanya at naihiga na sa kama na dating gamit ni Grandma Hanada. Habang ang matanda ay nasa tabi niya at luhaan at hindi malaman kung ano ang gagawin habang hawak hawak ang kamay ni Tanaga na wala pa ring malay.

"Huh-huh-huh! Tan, apo... Gumising ka! Anong nangyayari sa iyo?" Aniya ni Grandma Hanada habang alalang alala ito na may masamang nangyari dito dahil hind pa ito natatauhan.

Mabilis namang tiningnan ng Doctor ang kalagayan ni Tanaga, habang panay ang tanong niya kay Grandma Hanada.

" Ano po ang nangyari? May condition po ba siya na kailangan kong malaman?" Aniya ng Doctor habang tinitingnan niya ang vital ni Tanaga.