章 234: Pagkakonsensya

"Paano kung gumawa tayo ng kasunduan? Relax, hindi mo ito gagawin ng walang kapalit. Pwede ako mag-imbita ng mga abogada para patunayan na ang mga shares ng kumpanya na ibibigay ko sayo ay talagang sayo, basta ba ipapangako mo sakin na papanig ka kina Yanyan at Siyi. Ang mga stocks na iyon ay nagkakahalaga ng bilyon." Hindi makapaniwala si Huo Zhenghai na sa talino ni Huo Mian, hindi nito tatanggapin ang pamana niya.

Ngumiti si Huo Mian, "Sorry, Mr. Huo, kailangan ko ang lahat maliban sa pera ngayon. Para sakin, mas gusto kong ipangako mo na babawi ka sa pagkukulang mo bilang ama sa 20 taon kaysa sa bilyon na pamanang inaalok mo."

Medyo nakonsensya si Huo Zhenghai. Pagmamahal ng isang ama? Wala siya nito, ang tanging pinapaboran niya lang ay sila Huo Yanyan at Huo Siyi. Sa hindi malaman na dahilan, hindi niya gusto si Huo Mian, kahit na alam niya kung gaano ito katalino at listo.