章 189: Uniporme

"Kailangan ko makipagkita sa isang client sa South Ring Road."

"Oh, naiintindihan ko." Pinatay ni Huo Mian amg tawag at nagpokus ulit sa pagmamaneho.

Hindi umalis si Qin Chu hanggang sa makita niya na ligtas siyang nagmaneho papuntang South Side Recuperation Center.

Hindi naman talaga siya makikipagkita sa isang client. Unang araw kasi ni Huo Mian sa pagmamaneho, at nag-aalala siya. Ayun lang.

Nag-aalala talaga nung una si Huo Mian kagabi dahil ayaw niya maging sentro ng bulung-bulungan nang dahil lang sa pagmamaneho ng isang kotse papuntang trabaho kahit nurse lang siya. Ngunit, nagbago ang tingin niya pagkarating niya sa South Side.

Ang ibang mga nurse ay nagmamaneho ng mga mamahaling kotse - BMWs, Land Rovers, Mercedes-Benz GLKs… ang kanyang Volkswagen ay simple kung ikukumpara sa ibang kotse. Bakit ang yayaman ng mga nurses dito? Pero halata naman ang sagot - madami sa nurse dito ay mga bata at maganda.