章 772: Ang Desisyon ni Xu Jiamu (32)
編集者: LiberReverieGroup
Hindi makapaniwala si Xu Jiamu sa narinig niya kaya bigla siyang natigilan at
tinitigan ng mabuti ang screen para kumpirmahin kung si Lu Jinnian ba talaga
ang pinapanuod niya.
Sa mga naunang parte ng video, sobrang kalmado at pormal ng itsura ni Lu
Jinnian, pero noong sandaling mapasok si Qiao Anhao sa usapan, halatang
nagbago ang tono ng boses nito.
Matagal ng alam ni Xu Jiamu na may nagugustuhang babae ang kapatid niya.
Unang beses niya itong narinig noong minsan silang naginuman at sa sobrang
kalasanginan, bigla itong napakwento bago mawalan ng malay.
Gustong gusto niyang malaman kung sino ang maswerteng babae.
Pero ni minsan hindi niya naisip na matagal niya na pala itong kilala at ito ay
walang iba kundi ang best friend niyang si Qiao Anhao.
Habang nagkwekwento si Lu Jinnian, naalala ni Xu Jiamu noong nagpatulong ito
sakanyang magorder ng cake sa Black Swan para kay Qiao Anhao. Medyo
mahal ang napili nito, at dahil pareho naman nilang kababata si Qiao Anhao,
hindi na siya nagisip ng kung ano at ibinigay nalang ang kanyang credit card,
pero laking gulat niya noong ibinalik ito sakanya ng kapatid niya ng walang
kabawas-bawas. Hindi lingid sa kaalaman niya na medyo kapos si Lu Jinnian
pagdating sa pinansyal noong mga panahon na yun at para sakanya, wala
namang kaso yun kaya sa sobrang pagaalala, hindi niya na napigilang
magtanong, "Bro, saan ka kumuha ng pera para makabili ng cake?"
Habang nagbabasa ng physics book, walang emosyon itong sumagot, "Meron
ako."
Alam niyang para sa isang katulad ni Lu Jinnian, importante ang bawat sentimo
at bilang nagiisa nitong karamay, sinubukan niyang bigyan ito ng pera, pero
nagmatigas ito, kaya bandang huli, hindi niya nalang ito pinilit sa takot na baka
mapahiya lang ito.
Kahit na magkaiba ang estado ng mga buhay nila, wala siyang natatandaan na
nagkaroon sila ng samaan ng loob kaya sobrang nalungkot siya noong ilang
beses siyang tinanggihan nito sa tuwing nagyayaya siyang maglaro ng football.
Isang beses, pumunta siya sa isang bar kasama ang mga kaibigan niya at
narinig niya sa isang bartender na nagtrabaho pala dun si Lu Jinnian ng ilang
buwan.
Noong mga oras na 'yun, ang buong akala niya ay nagtatrabaho lang ang
kapatid niya para buhayin ang sarili nito kaya hindi niya masyadong inisip. Pero
habang pinapakinggan niya ngayon ang live confession nito, naintindihan niya
na ang lahat. Sa tagal ng panahong lumipas, ngayon niya lang nalaman na ang
perang pinambili pala nito ng cake ay galing sa kinita nito sa bar.
Pero noong nagkapera na ito at handa na sanang umamin, nawalan naman ito
ng pagkakataon dahil nalaman nitong engage na si Qiao Anhao.
Hinding hindi niya makakalimutan… may isang party silang sabay na inattenan
at noong lumabas sila para manigarilyo, bigla siyang tinanong nito kung totoo
bang engage siya sa Qiao Family.
Sumagot siya ng oo.
Muli itong nagtanong: si Da Qiao o si Xiao Qiao?
At walang preno niyang sinabi: si Xiao Qiao.
Dahil ba sa naging sa naging sagot niya kaya bigla nalang sumuko si Lu Jinnian
sa taong matagal nitong na pinapangarap?
Tama… Dahil magkapatid sila… ibig sabihin ayaw nitong masira ang relasyon
nila ng dahil sa isang babae?
Dahil sa mga napagdudugtong-dugtong ni Xu Jiamu, bigla siyang naging
emosyunal at maging ang kanyang mga mata ay naging mangiyak-ngiyak.
Sa tagal ng panahong lumipas… ang buong akala niya ay kilalang kilala niya na
ang kapatid niya, pero ngayon, narealize niya na wala pala siyang kaalam-alam
tungkol dito.
Ang napakasuplado niyang kapatid, na walang ibang ginawa kundi
pagkatiwalaan at ipagtanggol siya, ay sumuko sa taong nagugustuhan nito ng
dahil sa sobra-sobranitong pagmamahal sakanya.
Sa totoo lang… wala siyang kaalam-alam…Hindi naman talaga niya kailangang
pakasalan si Qiao Qiao, pero sa lahat ng babaeng pwede niyang pagpipilian,
dito talaga siya pinaka kampante.
Kung alam niya lang na si Qiao Qiao pala ang nagugustuhan ni Lu Jinnian,
hinding hinding hindi niya sasabihin na si Qiao Qiao ang gusto niya.
At bilang kapatid, wala naman siyang ibang gusto kundi ang maging masaya rin
ito kagaya niya, kaya kung alam niya lang…. walang pagdadalawang isip niya
pa itong tutulungang manligaw sa best friend niya.
Malinaw na kaya nagpa'live interview si Lu Jinnian ay para ipagtanggol ang
babaeng mahal nito… Kung tutuusin, madali lang naman sanang lusutan ang
nangyayaring aberyang kung sasabihin nito ang totoo, pero sa kabila ng lahat
ng pinagdaanan nila bilang magkapatid, mahal na mahal pa rin siya nito at
hanggang sa dulo ay pinili nitong panindigang itago ang sikreto na minsan itong
nagpanggap bilang siya.
Pagkatapos ng interview, ibinulsa ni Xu Jiamu ang kanyang phone at huminga
ng malalim. Hindi talaga siya makapaniwala na ganun siya kamahal ng nagiisa
niyang kapatid, pero bilang isang matikas na lalaki, hindi siya sanay na umiyak
kaya pinili niyang magpigil nalang ng luha. Habang nasa kalagitnaan ng
pagmumuni-muni, may nakita siyang humintong sasakyan sa katapat niyang
villa at hindi nagtagal, lumabas si Qiao Anhao na may dalang maraming papel.
Base sa anggulo na nakikita niya, nagpaalam ito sa driver, at pagkaalis ng
sasakyan, kalmado itong naglakad papasok pero noong bubuksan na nito ang
gate, biglang nagsilaglagan ang mga hawak nitong papel.
-- 贈り物
が届きました 
-- 推薦
ランキング 
-- 推薦
チケット