章 347: Mahal kita, mahal kita (3)
編集者: LiberReverieGroup
Pero ang pinaka umagaw sa atensyon ni Qiao Anhao ay ang tie clip na iniregalo niya kay Lu Jinnian na nakita niyang nakakabit sa necktie nito. Hindi niya napigilan ang kanyang sarili na titigan ito at nang sandaling iangat niya ang kanyang ulo, nagkasalubong ang mga tingin nila ni Lu Jinnian.
Ang kanyang itim na itim na mga mata ay biglang nagningning at kinindatan niya si Lu Jinnian. Sa sobrang saya, hindi niya mapigilan ang kanyang sarili na mapangiti na labas ang lahat ng kanyang mga ngipin bago niya ito lampasan noong naglakad siya palabas ng makeup room.
Pitong sasakyan ang gagamitin papunta sa conference. Si Song Xiangsi at Cheng Yang ang magkasama sa isa, si Qiao Anhao at Lu Jinnian naman sa isa pa, gagamit ng dalawa ang iba pang mga cast, samantalang ang direktor at producer naman ay tig-isa at sa pinaka huli ay para sa iba pang staff members na pupunta.
Kahit na ang conference ay eksklusibo lang para sa media, hindi pa rin napigilan ang pagdating ng mga tagahanga nina Lu Jinnian, Song Xiangsi at Cheng Yang. Maagang dumating ang mga ito para palibutan ang entrance ng Shangri-La China World Hotel.
Sina Cheng Yang at Song Xiangsi ang mga naunang bumaba, at ginawa ng mga security guards ang lahat para pigilan ang mga tagahanga na kuyugin sila habang isinisigaw ang pangalan ng mga paborito nitong artista.
Kumapit si Song Xiangsi sa braso ni Cheng Yang habang tumutungo at ngumingiti sa kanilang mga tagahanga. Habang pababa sila sa red carpet ng hotel, kumaway si Song Xiangsi sa mga mga tagahanga niyang sumisigaw kaya lalo pang nilakasan ng mga ito ang pagsigaw.
Sina Lu Jinnian at Qiao Anhao ang sunod na dumating sa entrance ng hotel. Matagal ng nagtatrabaho ang assistant kay Lu Jinnian kaya kilala na ito ng kanyang mga tagahanga. Pagkarating palang ng sasakyan ng assistant, nagsihiyawan na kaagad ang mga ito ng mga salitang "Lu Jinnian", "Lu Jinnian I love you".
Binuksan ng assistant ang pintuan sa passenger side pero bago pa man din makababa si Lu Jinnian ay lalo pang tumindi at tumining ang tili ng kanyang mga tagahanga na talaga ngang masakit sa tenga.
Nakita na ni Qiao Anhao kung paano magwala ang mga tagahanga ni Lu Jinnian sa TV noon, pero ngayon na nasa kalagitnaan na siya ng mga ito, hindi niya maiwasang biglang makaramdam ng kaba.
Sinubukan niyang manatiling kalmado habang kumakapit sa braso ni Lu Jinnian. Noong naglakad na sila papunta sa first floor ng hotel, unti-unti na ring nabawasan ang mga tagahangang sumusunod sakanila kaya doon palang siya medyo nakahinga ng maluwag. Tinignan niya si Lu Jinnian at nakita niyang niyang kalmado lang ito.
Gaganapin ang conference sa third floor ng hotel kaya sinamahan ng mga service staff sina Qiao Anhao at Lu Jinnian sa elevator na magdadala sakanila sa hall, kung saan sila sinalubong ng mga kumikislap na ilaw mula sa media.
Tumayo muna sina Qiao Anhao at Lu Jinnian sa tapat ng promo poster ng 'Alluring Times' na kasing laki ng buong pader. Nagpose sila ng iba't-ibang anggulo para makunan sila ng litrato ng media bago sila tuluyang umakyat sa stage para umupo sa mga nakalaang upuan para sakanila.
Hindi nagtagal, dumating na rin ang direktor at iba mga pang artista. Matapos kunan ng litrato ang lahat, pumunta na na rin ang mga ito sa kanya-kanya nitong mga posisyon at ang host na nakatayo sa gilid ng stage ay nagsalita sa mikropono, "Please be quiet."
Tatlong beses itong inulit ng host bago tuluyang tumahimik pero ang makikinang na ilaw ay patuloy pa rin sa pagkislap.
Ipinagpatuloy ng host ang pagsasalita, "We're delighted to welcome the media and friends who are present today for the promo conference for 'Alluring Times'. First off, I must give a warm welcome and introduce to everyone, the director and each and every actor attending our conference today."
Tinawag ng host sina Lu Jinnian, Song Xiangsi, Cheng Yang, Qiao Anhao at iba pang mga pangalan.
Matapos ang introduksyon ng host, isa-isang tumayo ang lahat para batiin at magbigay ng respeto sa media na nasa ibaba ng stage.
-- 贈り物
が届きました 
-- 推薦
ランキング 
-- 推薦
チケット