章 577: Sunod-Sunod na Panalo

Plano sana ng Launcher na unahan si Unrivaled Super Hottie, pero matapos ang isang skill lamang ay naging parehas sa naunang labanan ang sitwasyong kinahinatnan niya. Sa totoo lang ay mas naging masama pa nga ito dahil hindi man lamang siya ng karoon ng pagkakataon para lumaban.

Sa naunang labanan, nagawa pang gumamit ng Provoke ni Wolf Head, at nagawa pa nga niyang lapatan ng pinsala si Happy Sheep sa simula ng labanan.

Mabuti na lamang ay mayroong mga utak ang mga manlalaro.

Kahit na walang magawa ang Cleric dahil sa ginagawa ni Unrivaled Super Hottie sa kaniya, darating rin naman ang panahon na matutulungan na siya ng Launcher kapag napawi na ang Stun na inilapat ni Unrivaled Super Hottie sa kaniya.

Pero habang hindi pa 'yun nangyayari ay kasalukuyang nag-iisip ang Launcher sa kung ano ang dapat niyang gawin sa mga panahong napawi na ang epekto ng Stun na inilapat sa kaniya ni Unrivaled Super Hottie.