章 521: Ang Lugar na Kung Saan, Nagsisimula ang mga Pangarap

Nawalan ng ganang kumain si Chen Guo matapos marinig ang mga sinabi ni Ye Xiu. Kaagad siyang tumayo at nagsaliksik tungkol sa mga kinakailangang dokumento para makalahok sa Qualification Tournament na sinasabi ni Ye Xiu.

Sa opisyal na website ng Glory Alliance ay kaagad nakita ni Chen Guo ang kumpletong impormasyong tungkol sa Qualification Tournament.

Sa mga sandaling binuksan niya ang website nakita niya ang isang kawikaan para sa Qualification Tournament: Ang Lugar na kung saan, nagsisimula ang mga pangarap.

Kakaiba, ah! Bumulong sa sarili si Chen Guo at kaagad siyang naghanap ng mga karagdagan pang detalye. Habang tumatagal, nalalaman niya na talagang ang lahat ng mga nakasulat na impormasyon dito ay ayon sa mga sinabi ni Ye Xiu sa kaniya.