章 393: Wala Sa Isipan

"Parang namemersonal ka na yata, ah." Ginusto sanang tumawa ni Chen Guo, pero kailangan pa rin niyang balaan si Ye Xiu dahil sa sinabi niya.

"Hindi naman, sinasabi ko lang naman ang totoo, may pamemersonal pa sa sinabi ko? Kung hindi ka naniniwala sakin ay diyan ka nalang!"

Sabi ni Ye Xiu, at hinatak niya ang kaniyang upuan palayo kay Chen Guo. Saglit na nagdalawang-isip si Chen Guo. Pero sa paraang ginamit ni Ye Xiu sa pagsasalita kanina ay para bang siya naman yata ang tama, at dahil doon ay kaagad niyang hinatak ang kaniyang upuan para habulin si Ye Xiu.

Sa mga sandaling nahanap na ng dalawa ang lugar na kanilang uupuan ay malapit ng matapos ang harap-harapang labanan ng mga manlalaro. Nagpamalas ng pambihirang lakas ang isang manlalaro ng Blue Rain at binugbog-sarado ang manlalaro ng Tiny Herb hanggang sa siya ay mamatay.

"Nice!" Nang makaupo na si Chen Guo ay nakita niya ang naging resulta ng labanan.