章 295: Tagisan ng Patnubay

Ang nakatagong kulungan sa ilalim ng lupa ay nababalot ng dilim at mahalumigmig. Sa mga sandaling nakapasok silang dalawa ay naapakan nila ang isang maliit na putikan.

Tumalsik ang tubig sa lupa't gumawa ng ingay na naging dahilan kung bakit bumaling sa kanila ang ilang mga halimaw na nakatayo sa hindi kalayuan.

Ang mga manlalaro ay hindi binibigyan ng kulungang ito ng sapat na oras para maihanda ang kanilang sarili sa mga kalaban. Dahil sa mga sandaling pumasok sila sa kulungan ay kailangan nilang lumaban.

Nagugustuhan ni Tang Rou ang ganitong klase ng deretsahang labanan. Sinugod na ng kaniyang Soft Mist ang mga kalaban para makipaglaban. Sa kalagitnaan ng dilim ay nagliliwanag ng malakas ang liwanag ng kaniyang Scarlet Moon Lance.

Silang dalawa ay sapat na para matapos ang dungeon na ito. Pero kung silang dalawa lang ay hindi sila sasapat para makapagtatag ng isang bagong record.