章 666: Pagpapanday ng Sandata (1)

"Burahin ang Glacier Plain Court?"

Nagulantang si Envoy Liu Xuan sa mga salitang iyon.

"Tama. Iyon nga ang ibig kong sabihin!" Iba man ang tingin ni Zhang Xuan, ngunit merong awtoridad sa likod ng kaniyang tinig.

"Iyan ay..."

Kung meron mang taong magsasabi ng ganitong mga salita, iisipin lang ni Envoy Liu Xuan na nababaliw na ang taong iyon.

Kung sabagay, ang matinding lakas ng Glacier Plain Court ay kilala sa buong kontinentte. Kahit mga 9-star master teacher ay hindi nangahas na magsalita ng ganun, kahit na isang 4-star master teacher.

Para sabihin ang mga salitang ito ng isang di-kilalang tao na kaya kong patayin sa isang pitik lang...

Kung iba lang ang sitwasyon, kanina pa niya kinutiya si Zhang Xuan dahil sa kayabangan nito. Ngunit dahil sa di-malamang dahilan... Kung titignan ang determinadong mga mata ng binata na ito, hindi niya mapigilan na bumilis ang tibok ng kaniyang puso dahil sa pangamba.