章 399: Si Luo Feng at Windmill

Kinaumagahan, makikitang nakatayo ang mag-isang si Luo Feng sa loob ng tahimik na eskinitang napupuno ng dugo.

 "Hm?" Tumingin si Luo Feng sa itaas.

Makikita mula sa malayong lugar ang isang berdeng ilaw, mabilis itong lumilipad papalapit sa kanya. Hanggang sa binagalan nito ang bilis sa kanyang paglipad kung saan isang imahe ng tao ang makikita sa berdeng ilaw na iyon. Dahan-dahang bumaba ang berdeng imahe ng tao habang nagpapatuloy sa pagpapabagal ng kanyang bilis, lumapag ito sa isang lugar na may layong 100m mula kay Luo Feng.

 "Hindi ko inasahang sisigaw ka ng ganoon kalakas." Tumingin ang binatang may berdeng buhok kay Luo Feng, mukhang natatawa ang mga mata nito habang nakatingin sa kanya. "Mukhang narinig ng buong city ang sigaw mo kanina."

 "Hayaan mo silang marinig iyon." Tumayo lang doon si Luo Feng, parang naging isang napakalakas na blade ang buo niyang katawan, napuno ito ng galit at enerhiya!

Napakatindi ng kanyang galit.