章 197: Ang Tatlong Uri ng Soaring Shuttle

"Soaring Sky." Yumuko si Luo Feng at tiningnan ang librong hawak-hawak niya.

Hindi niya pa sineseryosong binasa ang instruction manual na ito matapos matanggap sa archeological ruin. Ang mga pahina ng librong ito ay gawa sa isang espesyal at kulay itim na materyales na hindi makikita sa buong mundo. At ang napakaliit na sinag ng bituin sa cover ay mayroong katakot-takot na aurang hindi mapapansin hangga't hindi tinitingnan ng maigi.

"Maging ang isang libro ay gawa sa ganitong kaespesyal na paraan," bukas ni Luo Feng sa unang pahina.

"Ito ang instruction manual na ipinapasa sa mga controllers ng planetang Yun Mo. Ipinagbabawal ang pagbabahagi ng anumang nilalaman ng librong ito sa ibang tao. At sa oras na labagin mo ito ay makakatanggap ka ng isang kaparusahang hard labor sa planetang Yun Mo sa loob ng 60 taon. At kung ipapamahagi mo naman ito sa mga nilalang sa labas ng planetang Yun Mo, walang duda na mapaparusahan ang gumawa nito ng kamatayan!"