Bab 450: Sundin Ang Tagubilin ng Doktor Follow

Nang mga oras na makauwi na si Tangning, ang araw ay kalulubog pa lamang, kaya si Mo Ting ay nasa trabaho pa.

Tumayo si Tangning sa sala at tiningnan ang paligid ng buong kabahayan na kanilang binuo ng magkasama. Habang iniisip niya ang tungkol sa buhay na kanilang pinagsaluhan nitong nakalipas na isang taon, ang kanyang puso ay punong puno ng tamis.

Bukas ay ang kanilang wedding anniversary. Nitong nakaraang taon, siya ay nagdaan sa maraming pagsubok, at maraming sinuong na bagyo. Ang tanging bagay na nagpapanatili sa kanyang masaya, ay ang katotohanang si Mo Ting ay palagi pa ring nasa kanyang tabi.

Nang tiningnan niya ang oras, napansin niyang maaga pa rin. Sa simula, gusto niyang magluto ng masarap na hapunan para kay Mo Ting, ngunit pagkaraan, siya biglang nakatanggap ng tawag mula kay Long Jie.