Bab 706: Scandal (3)
Editor: LiberReverieGroup
Anong ibig sabihin ni Lin Shiyi sa sinabi nitong 'mga babaeng kusang
naglalatag ng sarili'?
Habang binabasa ni Qiao Anhao ang laman ng screenshot, pakiramdam niya
ay parang susuka na siya ng dugo sa sobrang galit.
Bukod kay Lin Shiyi, may ilang mga member din sa group chat ang hindi
nagpahuli…
[Sa tingin niyo… Mukhang nakuha yan ni Qiao Anhao kakanuod niya ng mga
drama no? Sa tingin niya ba prinsesa siya sa mga fairytale?], [Delusyon na ang
tawag dito. Mukhang kailangan niyang magpatingin sa doktor at uminom ng
gamot.], [Akala ko pa naman mahinhin siya, may tinatago pala siyang
kalandian!], [Sa mga oras na to, lahat ng tao tinatawag na siyang desperada sa
lalaki. tsk-tsk-tsk… Ako ang nahihiya para sakanya eh.]
Sa ilalim ng mga replies, may isa pang sinend si Lin Shiyi, [Ganito talaga
siguro ang mga babaeng pinanganak ng mayaman. Sinasabi nilang maganda
ang pagpapalaki sakanila pero sa totoo lang, grabe pala talaga ang mga ugali
nila. Hindi siguro nila alam kung anong ibig sabihin ng self-love!]
At dito na nagtatapos ang screenshot.
Sinabi ni Lin Shiyi na hindi niya mahal ang sarili niya? So ibig sabihin,
'pagmamahal sa sarili' ang tawag noong nakikabit ito sa may asawa at
nakipag'sex kung kani-kaninong lalaki para sa pera?
Sobrang sama ng loob ni Qiao Anhao habang nakatitig sa mga screenshots na
sinend sakanya ni Zhao Meng at dala ng matinding galit, hindi siya
makapagsalita at nanginginig ang mga daliri niyang nakahawak sakanyang
phone.
Desperada sa lalaki, walang hiya, delusyunal, babaeng kusang naglalatag ng
sarili, babaeng walang pagmamahal sa sarili….
Paano nangyari na sa loob lang ng pitong oras, napakarami ng masasakit na
tawag sakanya ng mga tao?
"Qiao Qiao, tignan mo may isa pa. Malinaw na gusto ka talagang sirain nito!"
Pagalit na sabi ni Zhao Meng kay Qiao Anhao habang nginungudngod niya ang
kanyang phone sa harap ng kaibigan. "Walang hiya talaga yang Lin Shiyi nay
an! Halata namang tinitira ka ng grupo niya."
Tinignan ni Qiao Anhao ang group ni Lin Shiyi. Sa ilalim ng scandal niya, may
tatlong topics itong shinare.
Ang una ay isang blog galing sa isang sikat na manunulat ng isang emotional-
intelligence group na nagsasabi sa mga kababaihan kung gaano kahalaga ang
pagmamahal sa sarili. Sa ilalim nito, naglagay si Lin Shiyi ng comment na
walang halaga ang mga babaeng naghahabol sa mga lalaki!
Ang pangalawa naman ay litratro ng isang lalaki na nakatalikod sa salamin,
habang nakaluhod sa harap ni Lin Shiyi at sinusuotan ito ng singsing. Sobrang
saya ng pagkakangiti nito na para bang gusto nitong ipalandakan sa buong
mundo kung gaano ito kasaya.
Ang pangatlo post ay isa nanamang litrato pero sa pagkakataong ito, nasa
labas naman si Lin Shiyi ng ACR. May dala itong maraming shopping bags at
may caption na 'My boyfriend says that if you love a woman, you give her the
world's best. ACR only sells luxury items for classiest of people like me'.
Malinaw naman kay Qiao Anhao ang lahat. Alam niya na sinadya ni Lin Shiyi
ang magkakasunod nitong post, para ipamukha sakanya kung gaano ito
kasaya habang namomroblema siya.
Galit na galit na nagpatuloy si Zhao Meng, "Marami talagang tao sa mundong
ito na hindi kayang makitang masaya ang iba. Sa panahong ito…kahit aso kaya
ng manira ng iba para lang tumaas ang tingin sa sarili."
Sa group ni Lin Shiyi, may ilang mga kaibigan si Zhao Meng na nakikisawsaw
din. Nakita ni Qiao Anhao na kundi gumagatong ay nakikilike pa ang mga ito sa
mga paninira sakanya.
Tama nga ang sinabi ni Zhao Meng na malupit talaga ang mundo….ngayon,
ginawa na siyang katatawanan ng mga tao.
Pero ang pinaka masakit sa lahat, ang lalaking may kagagawan kung bakit
maraming galit sakanya ngayon ay binabaan siya ng dalawang beses at
hanggang sa mga oras na 'to ay hindi man lang siya pinadadalhan nito ng kahit
voice o text message manlang.
Kanina, sobrang nasaktan siya noong nakita niya kung gaano kagalit ang mga
tao sa kanya kaya niyaya niyang kumain si Zhao Meng para mabawasan ang
bigat na nararamdaman niya, pero sa mga oras na 'to….hindi niya na talaga
kayang magpaka positibo dahil tuluyan na siyang nilamon ng lungkot.
Hadiah
-- Hadiah diterima Status Power Mingguan
-- Peringkat
Power 
-- Power
stone