Bab 24: Bagian ka 24
Hari ini Krisna, papinya Aditya pe ulang tahun, minggu lalu Adit datang ka rumah tanta Shinta dan
undang Ade, Bela dan tanta Shinta datang ka acara ulang tahun papinya Adit. Sayang tanta Shinta nyanda bisa hadir karna lembur kerja
"Sayang Bunda nyanda bisa iko"
"iyo ci, sayang, tapi kan ci mama ada nitipin kukis for om Kris"
Ade ngintip kukis buatan mama yang ada
simpang diboks
"Ade jang ngana makang itu kukis for om Krisna"
"ye! sapa juga yang mo makang tu kukis, Ade cuma ngintip doang"
"sama aja, ujung-ujungnya nanti Ade makang juga itu kukis"
Ade kase kembung itu pipi, camburu
"Akhirnya torang so sampe"
"Hore so sampe"
"pak ini uangnya"
Bela kase ba berapa lembar doi ka sopir GoBan
"makasih de"
Ade cekikikan, Bella haga tajam ka Ade
"Wah cici tu oto pe banyak jo, coba Ade punya banyak oto pasti Ade so kase pamer ka tamang-tamang"
"makanya sekolah yang butul, rajin blajar, dengar-dengaran ama guru, orangtua, lebeh-lebeh cici"
"iyo, iyo dasar cici banya mulu"
"Ade ngana bilang apa?!"
sebelum perang saudara terjadi
Adit so datang pa dorang
"eh kakak ade so datang rupanya"
"siapa yang kakak ade?"
"ngoni dua"
Adit goyang jari telunjuk ka arah Bela dan Ade
"terserah" Bela putar dia pe dua bola mata
"ngomong-ngomong mana tanta Shinta" Adit liat ka kanan ka kiri
"Bunda nyanda bisa iko katanya ditampa kerja lagi banyak orderan dan kurang tenaga kerja"
"yah sayang ya"
"Oh iyo Adit ini ada kukis mama ada bekeng for om Kris, kita harap ngana pe papi mo teriman"
Bela kase itu boks isi kukis ka Adit
"wow! makase banyak pasti kita pe papi suka deng senang mo terima"
Adit
menerima kukis yang Bela ada kase
"Kalo bagitu ayo masuk, sabantar lagi tu acara so mo mulai"
"ayo" Bella dan Ade serempak
"Slamat ulang tahun ya om Krisna, moga-moga panjang umur dan sehat slalu"
"S'lamat hari jadi om, moga-moga tambah lagi momongannya"
dengar hal itu Krisna ta tawa ukur mampos sedang Bella dia pe bola mata amper mo ka luar dari dia pe mata
"pi ini kukis mama Bella dan Ade ada bekeng"
"wah! butul ini tmakase banyak yah Bela, Ade. So bekeng repot pa ngoni"
"oh iyo mana ngoni pe mama?"
"maaf, mama nyanda bisa iko, lagi lembur, lagi sibuk karja"
"oh gitu yah, kalo gitu om titip salam deng
makase for ngoni pe mama yah"
"bae om"
"Adit itu kukis ngana taruh dikamar papi aja yah, tako kalo taruh diluar itu kukis abis duluan"
Krisna ingin
makang itu kukis for dia pe diri sandiri
Bela dan Ade hanya senyum-senyum ada dengar
"oke, pi" kata Adit sambil bawa boks isi kukis ka kamar papinya
"Bela, Ade. om permisi dulu yah, nikmati aja pestanya"
"Baik om" kata Bella dan Ade
Kakak ade itu coba mo nikmati itu pesta, tapi nyanda satu pun tamu-tamu yang hadir yang
dorang kanal. Sekitar stengah jam kemudian acara pun dimulai diisi deng kata sambutan oleh yang berulangtahun disusul deng sabuah lagu yang dinyanyikan deng merdu oleh om Krisna diiringi suara piano yang dimainkan oleh Adit. Samua tamu nampak tersenyum senang bagitu juga deng Bela dan Ade. Kakak
ade itu nyanda mangira kalo Adit bisa main piano bagitu bagus. Setelah pertunjukkan kalar
samua undangan yang hadir ba tepuk tangan termasuk Bela dan Ade
"wah! ci, Adit pe gaga skali ada maen tuh piano"
"apalagi Adit pe papi pe suara merdu banget"
Kini tiba saatnya for Krisna tiop lilin deng potong kukis ulangtahun tapi sebelum itu dorang manyanyi lagu slamat ulang
tahun. Samantara dorang manyanyi tu lagu, kage-kage ada suara yang ba interupsi
"maaf, maaf kita baru datang tadi ada ta prop di dijalang, apa itu acara so mulai"
samua orang ta kage kong ba haga ka arah itu suara
"nyanda apa-apa brur, torang ma ngarti"
orang itu lalu ba jalang mendekati Krisna dan berdiri ba dia pe samping
"maaf yah kenalkan ini Arthur kita pe paitua"
Krisna kase kenal dia pe laki ka para tamu undangan
"papa"
"papa?" ulang Ade
lalu tengok ka arah dia pe cici
Bela nyanda kira setelah sekian lama akhirnya dia bisa baku dapa deng dia pe papa kandung, perasaan Bela campur aduk samantara Ade bingo deng sikap cicinya
"Kalo bagitu torang mulai dari awal lagi yah"
samua yang hadir kembali menyanyikan lagu slamat ulangtahun, termasuk Ade yang dia pe suara paling karas sedang Bela hanya ta diang saribu bahasa
Acara dilanjutkan dengan make a wish, tiop lilin deng potong kukis ulangtahun diiringi musik. Kemudian Krisna kase itu potongan kukis for Arthur dia pe paitua, lalu Adit dia pe anak. Samua undangan yang hadir tepuk tangan termasuk Ade yang dia pe tepuk tangan paling kancang sedang Bela hanya ba diang seperti patong
Setelah itu dilanjutkan deng acara ramah-tamah dan makang sama-sama
Bela akhirnya bisa pulih kembali sementara Ade lagi asik ajar tu makanan yang ada pa dia pe
piring
"cici nyanda makang, sayang kalo nyanda makang, makanan disini sadap-sadap loh"
Ade bicara deng mulu fol deng makanan
"cici nyanda lapar" nafsu makang Bela ilang.
Biasanya Bela mo tegor dia pe ade kalo ade bicara deng mulu fol deng makanan. Kali ini Bela kase biar
"Ade abis makang torang pulang, cici lalah" kata Bella yang lagi order oto pake aplikasi GoBan di dia pe smart
phone
Ade angguk-angguk aja setelah Ade kelar makang Bela lalu pamit ka Adit
"Adit kita deng Ade pamit dulu"
"yah so mo pulang dang nih"
"cici Bela kecapean ko"
"ngana nyanda apa-apa?"
"eh kita nyanda apa-apa kok, lagi pula dirumah nyanda ada orang jadi nyanda bisa kase tinggal lama"
"ngimana kalo kita antar ngoni pulang ka rumah"
"makase nyanda usah, tadi kita so ordee GoBan ntar lagi sampe"
tak lama kemudian mobil yang diorder Bela datang
"Adit, kita deng Ade mo pulang dulu, maaf kalo kita nyanda sempat pamit pa ngana pe orangtua, kita titip salam jo for ngana pe orangtua"
"iyo nanti gue sampaikan"
"koko, Ade mo pulang dulu yah"
"iyo Ade bae-bae dijalang"
setelah itu dorang saling dada-dada dan oto pun ba jalang kase tinggal itu orangtua Adit pe rumah
Status Power Mingguan
-- Peringkat
Power 
-- Power
stone