Bab 862: Ang Katapusan (23)
Editor: LiberReverieGroup
Dalawang araw ng humahanap ng tyempo si Xu Jiamu para makausap si Lin
Qianqian, at ngayong ito na mismo ang tumawag, sa tingin niya ito na ang
tamang pagkakataon para tapusin na ang mga kailangan niyang tapusin.
Pumayag siyang makipagkita ng bandang tanghalian kinabukasan, at bilang si
Lin Qianqian ang kausap niya, marami pa itong sinabi na wala naman siyang
pakielam. Kung pwede niya lang gawin, binabaan niya na ito, pero base sa
pagkakakilala niya rito, mangungulit lang ito ng mangungulit, kaya iritang irita
siyang humithit ng sigarilyo para mabawasan ang stress. Hindi nagtagal,
sumilip siya sa dining table, at nang makita niyang nakatitig sakanya si Song
Xiangsi, parang biglang huminto ang tibok ng kanyang puso, at dali-daling
nagpaalam. "May gagawin pa ako, bukas nalang tayo magusap."
At hindi pa man din nakakasagot ang kausap niya sa kabilang linya, bigla
niyang pinindot ang 'end call' at humithit ng dalawang mabilasan bago siya
atat na atat na bumalik sa sala.
Pagkapasok niya sa pintuan, sinilent niya ang kanyang phone, sa takot na
baka tumawag nanaman si Lin Qianqian, at naglakad siya pabalik kay Song
Xiangsi at masayang nagtanong, "Ano nga ulit yung gusto mong sabihin sa
akin?"
"Wag mong kalimutang maguwi ng prutas bukas," pagsisinungaling ni Song
Xiangsi.
"Oh." Yumuko si Xu Jiamu para magpatuloy sa pagkain, pero hindi pa man din
niya nalulunok ang sinubo niya ay tumingin siya kay Song Xiangsi at halos
hindi na maintindihang nagsalita, "Anong prutas ang gusto mo?"
"Kahit ano," Sagot ni Song Xiangsi habang nanunuod ng TV.
"Mmh."
-
Kinaumagahan, maagang gumising si Xu Jiamu para pumasok sa trabaho.
Gising na rin si Song Xiangsi noong naghahanda si Xu Jiamu, pero hindi
kagaya ng nakasanayan, pinaalis niya muna ito bago siya dumilat.
Taliwas sa Song Xiangsi, na palaging nagmamadali, ilang minuto rin siyang
nakaupo sa kama niya habang nakadungaw sa bintana, bago siya tuluyang
bumangon at maglakad papunta sa CR.
Pagkatapos niyang maligo, imbes na mag'umagahan ay dumiretso siya sa
study room para maghanap ng flight sakanyang laptop.
Nang masigurado niyang naayos niya na ang lahat, naglakad siya papunta
sakanyang vault para kunin ang passport niya. Isinisik niya ito sa kanyang
bag, at dala-dala ito, umalis siya ng kanyang apartment.
Dumaan muna siya sa Xu Enterprise, pero hindi siya bumaba at naghintay
lang sa loob ng kanyang sasakyan. Pagkalipas ng halos kalahating oras,
nakita niyang lumabas ang sasakyan ni Xu Jiamu mula sa underground
parking. Sa totoo lang, hindi niya alam kung ano eksakto ang ginagawa niya,
pero nang makita niyang medyo nakalayo na ito, dahan-dahan siyang
nagmaniobra, at sundan ang sasakyan nito, hanggang sa makarating sila sa
Jade Wave Garden.
Pagkababang pagkababa ni Xu Jiamu, kitang-kita niya mula sakanyang
posisyon na sinalubong ito ng isang babaeng, masayang yumakap sa braso
nito habang naglalakad papasok ng Jade Wave Garden.
Nakatitig lang siya sa dalawa hanggang sa tulayan ng makapasok ang mga
ito. Hindi niya alam kung bakit hanggang ngayon ay hindi niya pa rin
maintindihan na hindi talaga sila para sa isa't-isa ni Xu Jiamu… Pero
kailangan niyang maging matapang… Para sa sarili niya… Pagkalipas ng ilang
sandali, kinuha niya ang kanyang phone, "Ako 'to, si Xiansi… Mmh. Oo, yung
tungkol sa surgery… Pwede ba ngayong tangali? Sige… Papunta na ako."
Pagkaputol ng tawag, hindi niya na napigilan ang kanyang mga luha na
tuluyan ng bumuhos kaya para pigilan ang mga ito, pinunasan niya ang
kanyang mukha, na para bang wala siyang pakielam sa balat niya, at buong
loob na inistart ang kanyang sasakyan.
Sa totoo lang, natatakot siya na baka dumating ang araw na pagsisihan niya
ang naging desisyon niya, pero sa kabila nito, tumuloy pa rin siya sa ospital,
at pagkarating na pagkarating niya, ginawa niya ng mabilisan ang mga dapat
niyang gawin – nagregister, nagbayad, nagpacheck up, at… pinirmahan ang
mga form.
Medyo maselan ang operasyon kaya sinigurado ng gynecologist na nabasa
muna nito ang lahat ng sinulat niya, bago ito muling tumingin sakanya para
magtanong, "Xiangsi, tatanungin kita sa huling pagkakataon, gusto mo ba
talagang ipalaglag ang bata?"
Hadiah
-- Hadiah diterima Status Power Mingguan
-- Peringkat
Power 
-- Power
stone