Bab 1309: Mabagsakan Nang Bato Ang Sariling Paa

Ginustong maiyak ni Lin Jingyan.

Ito ang dahilan kung bakit talagang hindi pa nila lubusang maintindihan si Lord Grim na isang unspecialized pagkatapos ng halos kalahating taon. Bukod sa nagagawa niyang gamitin ang lahat ng mga skill mula sa 24 na class ng Glory.

Nagagawa rin niyang maglagay ng skill sa bawat anyo ng kaniyang armas. Ang ibig sabihin ay may chansa na maaaring gamitin ni Lord Grim ang mga skill ng iba't-ibang mga class, basta't may sapat na skill scrolls ang Happy.

Dahil sa katotohanang ito ay gaano karaming mga kakaibang atake kaya ang kayang pakawalan ni Lord Grim? Hindi ito isang bagay na maaaring makalkula ng isang tao. Idagdag pa na hindi nila alam kung anu-ano ang mga skill na idinaragdag ni Ye Xiu sa kaniyang Myriad Manifestations Umbrella.

Dahil diyan, papaano nila malalaman kung papaano maglalaro si Ye Xiu sa entablado? Papaano nila malalaman ang sagot diyan kung hindi naman nila alam kung ano ang kanilang hinahanap!