Bab 836: Kailangan Pang Mag-ensayo

Matagal-tagal na ring panahong ang lumipas mula noong naging ganito ang kinahinatnan ni Tang Rou, sa loob ng maikling paglalaro niya ng Glory ay ito pa lamang ang ikatlong beses na nakaramdam siya ng ganito.

Ang unang beses na naging ganito siya ay noong kinalaban niya si Ye Xiu noong una, at ang ikalawang beses naman ay iyong mga panahong nakaharap niya si Wang Jiexi na nagbigay sa kaniya ng imbitasyon noon na siya'y sumali sana sa Team Tiny Herb.

Pero syempre, alam naman talaga ni Tang Rou na talagang mas malakas pa ang dalawang 'yun kaysa sa kaniya sa larong ito. Idagdag pa na masyadong mahina naman talaga siya noon. Para kalabanin sila noon ay parang kinakalaban na rin ni Tang Rou ang isang matanda bilang isang sanggol.

Simula noon, hanggang ngayon ay palagiang naglilikom ng karanasan si Tang Rou at dahil diyan ay inakala niya na hindi na siya magiging parang isang sanggol kaharap ang mga mala-Diyos na manlalarong ito.