Bab 200: PKPKPKPKPKPK

Sa Congee Forest, ito ang lugar na kung saan sinabi ni Ye Xiu sa lahat na dito sila magkikita. Sa mga sandaling ito ay pinapapunta rin niya ang kaniyang Lord Grim sa lugar na iyon. Pero sa kasamaang-palad ay hindi pa niya naililigaw ang mga tumutugis sa kaniya.

Naiintindihan ni Ye Xiu na kahit gamitin pa niya ang buo niyang lakas para makatakas sa mga tumutugis sa kaniya, wala parin iyong kwenta dahil sa dami ng mga humahabol sa kaniya.

Pero may mga ibang paraan naman para matakasan ang mga humahabol sa iyo. Isa na doon ay ang pagsamantala sa mga blind spots ng iyong kalaban para makatago.

Kasalukuyang ang paraang iyon ang ginagamit ni Ye Xiu.

Pero sa kalagitnaan ng lahat ay bigla siyang nakatanggap ng mensahe.

"PK! PK! PK! PK! PK! PK!"

Nung paparating na ang hatinggabi ay hindi inaasahang papasok sa laro ang Flowing Tree ni Huang Shaotian at inundayan na naman niya ng mensahe si Ye Xiu para makipaglaban sa kaniya.