Bab 796: Para Ano?

Ang pagwawala ng cultivation ng isang estudyante ay isang bagay na nangyari na at hindi na mababago.

Kahit na makipagtalo ka pa, kahit na magaling ka pa magsalita, wala ka nang magagawa.

Alam ni Elder Shang Chen na walang maniniwala sa kanya kahit na ipaliwanag pa niya ng maigi ang nangyari sa Teacher Qualification Examination. Kahit na ipakita pa niya ang mga papel, aakusahan lang din siya ng iba na dinaya din niya ang mga nakasulat sa papel. Kaya naman, napagdesisyunan niyang isantabi na lang muna ang tungkol dito.

"Anong…"

Hindi alam ni Zhang Xuan kung paano niya sasagutin ang mga sinabi ni Elder Shang.

"Hmph, sinusubukan mo bang itanggi ang nangyari? Baiyu laoshi, puntahan mo si Zhao Yanfeng sa silid ni Lu Xun laoshi at imbitahan mo siya dito!" Ang sabi ni Elder Shang Chen.

Si Zhou Baiyu ang guro na naka-duty habang si Zhao Yanfeng naman ang estudyante na nagwala ang cultivation dahil kay Zhang Xuan noon.