Chapitre 49: “Wedding of the Year”

Chapter 49. "Wedding of the Year"

Ethina's POV

            "Nakakainis talaga, busy na naman si Sanjun, Jenina miss ko na siya." Maktol ko habang papalabas na kami ng OB Clinic ng Ate ni Dr. Marc, pero naningkit ang mata ko ng makita kong lutang ang isip ni Jenina habang nakangiti mag-isa. Tinusok-tusok ko ang tagiliran niya. Tiningnan naman niya ako.

            "Oh Bakit?" Tanong niya, tiningnan ko naman siya ng masama na tila nanguusisa.

            "Anong ningingiti ngiti mo diyan? Umamin ka nga saken, kayo na ba ni Dr. Marc?" Tanong ko. Ang loka naman tinawanan lang ako, aba, bigyan ba naman ako ng tawa? "Hoy sagutin mo tanong ko, sipain kita diyan eh." Banta ko.

            "Sandali, ang sadista mo naman, tara punta muna tayong ice cream parlor, libre kita tsaka ko kikwento ang lahat." Malandi niyang pinulupot ang braso niya sa braso ko at hinila ako.