Ai Loves Yu

Kilala si Aira sa buong Maliboot Market bilang isang babaeng mainitin ang ulo, palengkera, magaslaw kumilos at magsalita. Kaya naman nang maka-engkwentro niya si Yuri Hanigami, ang hinayupak na sakang na suplado, matalino, maarte, gwapo, napakayamang malign na anak ng may-ari ng lupang kinatitirikan ng Maliboot Market ay hindi na nagtaka ang lahat. Sa katunayan ay inabangan pa ng lahat ang pagsasagupaan nila.

Ngunit kung inakala niyang wala nang makakatalo sa pagiging pasaway, pagiging isip-bata at pagiging palaban niya ay mukhang nagkakamali siya. Pinatunayan ng Hapon na iyon na nahanap na niya ang katapat niya sa pamamagitan ng pagganti sa bawat birang ibinabato niya rito. Together, they created a ruckus and messed with each other.

Ngunit hindi niya inasahan na madadawit pati ang puso niya sa pakikipag-asaran niya rito. Sa lahat ng asaran at gantihang namagitan sa kanila, ang pagwasak nito sa puso niya ang hindi niya kinaya. Ah, nakakainis! Bakit hindi nito kayang gantihan ang pagmamahal niya?