Chapitre 84: Kebahagiaan Bersama

"Mangkanye lu terime aje tawaran gue, nape?" ujar Babeh Djaja sedikit bersungut-sungut.

"Hedeuuh…" dengus Rezqi sementara yang lain geleng-geleng kepala menanggapi.

"Lu terime tawaran gue," lanjut Babeh Djaja. "Kagak bakal gue kesel lagi ame lu."

"Enak di Babeh nggak enak di aye dong, Beh."

"Heeh!" dengus Babeh Djaja. "Ape maksud elu? Anak gue si Shari cakep kek gitu, masa' lu kagak seneng?"

"Tuuh, kan!"

Gelengan kepala Rezqi makin menjadi-jadi seiring suara tawa dari yang lain semakin santer terdengar memenuhi warung tersebut.

"Lu keukeuh amat, Djaja," sahut Haji Rahman kemudian. "Kagak useh lu pakse-pakse mah, Djaja. Kalo emang si Rezqi jodohnye si Shari, kagak bakal lari ke mane tuh si Rezqi."

"Nah, nah," ujar Rezqi yang mendapat angin dari Haji Rahman. "Denger tuh, Beh. Bener apa kata Pak Haji."

"Eeh, Ji," kata Babeh Djaja pada Haji Rahman. "Gue cuman kagak mau anak perawan gue jadi perawan tuak!"

"Tua gimana?" timpal Rezqi pula. "Neng Shari masih muda gitu."