Chapitre 44: "I'm into you"

Chapter 44. "I'm into you"

Siren's POV

Halos magdadalawang oras na akong naghihintay dito sa labas ng Emergency Room. Pero hindi pa rin lumalabas mula sa loob si Marcus. Hindi ako mapakali rito, hindi ko alam ang gagawin ko. Gulong-gulo ako sa nalaman ko. Naiiyak din ako at pinanghihinaan ng loob.

Tumayo ako, at nagpalakad-lakad. Muli akong umupo at tinanaw ang pinto ng Emergency Room. Habang pinagmamasdan ko ang pinto, biglang nag-flash sa isip ko ang nakaraan. Noong bata pa kami.

"Siren, tara tuturuan kita mag-bike."Yaya sa akin ni Shawn.

"Shawn, hindi ako marunong."

"Kaya nga tuturuan kita eh." Nakangiti niyang sabi, tinitigan ko siya habang masayang nakangiti sa akin. Sino ba naman ang makakatanggi sa mala-anghel niyang ngiti.

"Sige na nga."