Hamne haste bolte khana khaya. khane ke baad maine chai bnai aur humne sath mwin chai pi. Chai pine ke baad Sidharth ghar ko nikal gaya.
In chuttiyoun mein main Sidharth, Sara aur baki dostoun ke sath ghumne bhi gayi. Sidharth mera bahut achha dost ban chuka hai.
Wo bahut caring hai. Jab bhi mujhe kisi chiz ki zarurat hoti h wo foran wo kaam kardeta hai. Mujhe kuch khana ho toh wo bhi mere liye bina puche aur mere bina kuch kahe lakar dedeta hai. Paise tak nahi leta lekin main use zabardasti pakda deti hu.
Kal se hamare college doabara shuru ho jaenge. kuch bhi kaho ye kuch dino ki chuttiyan mere life ki sabse achhi chuttiyan thi.
Agle din main taiyar hokar college pahunchi. waha Sara se mili aur apne aur dusre dostoun se bhi mili. Lekin jise nazrein dhund rahi thi wo kahi dikh hi nahi raha tha. Sidharth.., Maine saari jagah naazrein ghumali, mujhe wo kahi nahi dikha. Jo mujhe dekh kar dauda chala aata tha.
Maine Sara se pucha toh pata chala ke wo aaj college hi nahi aaya hai. Mujhe kuch thik nahi laga. Padhai mein toh wo bahut achha hai. aur mera jaha tak manna hai wo college na aae aisa ho hi nahi sakta.
Na jaane kyun mujhe bechaini hone lagi. Maine socha shayad last ke lectures tak wo aajae. Lekin wo aaya hi nahi. Lectures mein mera dhyan tak nahi tha, dhyan toh sirf darwaaze par tha....