"Humein yahi college ke kisi student ka call aaya tha, usne btaya yaha kuch log kisi ladki ko preshan kar rhe hai"
"naam kya hai us ladke ka?" sara ne pucha.
"Sidharth naam btaya tha usne, lekin hai kaha wo?"
"hamari class mein toh Sidharth naam ka koi nahi hai! aur is naam ke college mein aur bhi bahut log hai" maine kaha.
"dhundna pdega use, mujhe thanks kehna hai. agar usne police ko na bulaya hota toh pata nahi aaj mera kya hota." sara ne kaha.
Toh police ne kaha "ab hum chalte h, apna dhyan rakho aap sab". "jii zarur, thank you so much". aur police chli gyi.
Ab Sara ne zid pakadli thi 'Sidharth' ko dhundne ki. usne college mein bahut logo se pucha lekin kuch pata nahi chala. usne sidharth naam ke ladko se bhi pucha ke kya unhone police ko bulaya tha? lekin unmese kisi ne bhi call nahi kiya tha.
Toh maine sara ko kaha ke kyu na hum teachers se puche unse shayad pata chal jae. "Nahi main nahi puchungi, tum puchna. please". "arey lekin main kyu, tum kyun nahi puchsakti"
"tumhe pata hai na koi teacher mujhe nahi pasand karti, tum unlogo ki chahiti ho tum puchna main bahar rahungi." "thik hai, baitho idhar main puch kar aati hu"
Main jab teachers ki cabin mein gayi toh wahi ladka jo mujhe barish mein mila tha.wo physics professor se baat kar raha tha. tabhi mere khayal mein aaya ke iska naam bhi toh Sidharth hai. maine karib jakr professor ko good morning kaha. itne mein usne professor ko bye kaha aur jane hi wala tha ke maine use roka aur pucha "ruko! aaj kya tumne police ko call kiya tha?". wo bina kuch bole waha se chala gaya. professor ne mujhse pucha "kya hua beta, police ko kab kyu kisne call kiya tha?" maine sari baat unko batai toh unhone kaha. "achha, toh tum log Sidharth ko dhund rahe ho, darasal isi ne call kiya tha mera phone lekr aur mujhe wo phone lautane hi aaya tha." "toh maine jab pucha toh usne bataya kyu nahi, bhag gaya aise."
"abhi ye naya hai college mein, kisi se baat nahi karta. dheere dheere karne lagega, tum log use milkr thanks boldena" "jii sir, thank you "
Main cabin se bahar aai toh dekha sidharth badi tezi se darwaze ke paas se bhaga.. yu jaise wo khade hokar sari baatein sun raha ho. maine use rokne ki koshish ki lekin mere bolne tak mein hi wo waha se chala gaya. Maine jakar Sara ko bataya ke wo Sidharth mujhe mila tha use rokne ki koshish bhi ki maine lekin wo bhag gaya. aur sir bata rahe the college mein koi naya ladka hai wo shayad hamari class ka hi ho, class mein toh milega. use hum tab thanks boldenge. Sara ne kaha "thik hai".
jab lecture ka time hua toh main aone dostoun ke sath classroom mein pahunchi, maine Sara ko ishara karke bataya ke "ye wahi hai, tum jakar thanks boldo, mujhe dekh kar ye firse na bhag jae" aur main wahi baith gayi aur baithe baithe dekhne lagi. Sara uske paas gayi aur kuch baatein hui undono mein, lekin mujhe aage se kuch samajh nahi aaraha tha ke wo kya bol rahe hai. usne aur sara ne kuch 10 minute tak haske baat kiya. main toh hairan thi jisko mein 2-3 martaba mil chuki hu lekin aaj tak aawaz nahi suni. mujhe toh lag hi nahi raha tha ke ye ladka baat bhi karta hoga. kyunki mujhe dekh kar toh bhag jata hai hamesha pata nahi kyu? mujhse kaisi dushmani?
Commentaire de paragraphe
La fonction de commentaire de paragraphe est maintenant disponible sur le Web ! Déplacez la souris sur n’importe quel paragraphe et cliquez sur l’icône pour ajouter votre commentaire.
De plus, vous pouvez toujours l’activer/désactiver dans les paramètres.
OK