Chapitre 771: You Two Should Team Up (2)

Chapter 771: Kailangan Niyong Magsanib Pwersa (2)

"Hindi ako takot sabihin na si Qin Chu ang unang lalaking nagustuhan ko." 

"Oh," tumango si Huo Mian; hindi na siya nagulat. 

Normal nang magkagusto ang ibang tao sa kanyang Mr. Qin, dahil na rin sa galing at pagiging kakaiba niya. 

"Nanirahan ako kasama ang pamilya niya noong 8 taon gulang pa lang ako at tinuring ako ng mga magulang niya na parang tunay na anak. Nagpapasalamat ako sa kanila noon, pero noong bumalik na ako sa pamilya ko, hindi ko na uli nakita si Qin Chu. Gayunpaman, hindi ko nakalimutan ang kaibigan ko...haha...hindi ako natatakot na mapagtawanan dahil sa sinasabi ko, pero hindi ko inasahang magpapakasal ng maaga si Qin Chu… Akala ko ay maghihintay siya hanggang sa 30 taon gulang na siya." 

"Bale, wala kang ginawang kahit ano? Hindi mo sinabi ang nararamdaman mo para sa kanya?" tanong ni Huo Mian.