Chapitre 130: Bulung-bulungan

"Mrs. Qin, hayaan mo akong tawagan muna si President Qin. Mag-antay ka muna dito sandali."

Matalino si Yang para hindi masabi ang bagong address ni Qin Chu. Paniguradong ayaw niya maging responsable dito o sisihin ng boss niya.

"Mrs. Qin, ang sabi ng President makakarating siya dito sa loob ng kalahating oras. Mag-antay nalang po muna kayo sa opisina." Ibinaba ni Yang ang phone at ngumiti.

Hindi nagsalita ng kahit ano si Mrs. QIn, pero malinaw na hindi siya masaya.

Hindi na muli nagpakita si Qin Chu pagkatapos ng away nila ng kanyang ama, at hindi na rin siya tumatawag sa kanila.

Matigas ang ulo ni Qin Yumin. Ipinagpalagay nalang niyang aakto si Qin Chu sa kung ano ang gusto niya, kaya umalis ito sa city sa pamamagitan ng isang business trip para bisitahin ang mga branches ng kumpanya sa Southern China.

Si Mrs. Qin naman, sa kabilang banda, ay sobrang nanabik sa kanyang anak, kaya napagdesisyunan niyang hanapin siya sa kumpanya.