Chapitre 1646: Ano Ang Intensyon Mo

Sky Strike, Falling Flower Palm!

Ito ay isang kombo na binubuo ng mga low-leveled skills. Ang malakas na blowaway effect ng Falling Flower Palm ang naging sanhi para tumilapon ang isang NPC kay Lord Grim na nakalambitin sa pader ng bangin. Sa mga sandaling ito ay nagpatuloy na ang opensiba ni Sun Xiang kay Ye Xiu.

Kagaya sa sinasabi ng isang kasabihan, kapag nasakyan mo ang isang tigre ay mahirap na ang makababa. Iyan ang iniisip ng karamihan sa mga propesyonal na manlalarong nanonood.

Hindi umasta si Ye Xiu kanina dahil sa takot na baka maakit niya ang aggro ng mga NPC. Ginusto rin niya na sana ay matulungan siya ng mga NPC sa kaniyang laban kay Sun Xiang.

Pero hindi inaasahan ni Ye Xiu na masyadong mahina pala ang mga NPC na ito. Simula noong nagsimula ang laban ay hindi sila naglapat ng malaking pinsala kay One Autumn Leaf. Sa totoo lang ay mas pinalakas pa nga nila si One Autumn Leaf.