Chapitre 1560: Statistika Para sa Chat

Ang Dancing Rain ni Su Mucheng ay nasa tuktok ng bangin na nasa kaliwa.

Ang Lord Grim naman ni Ye Xiu ay nasa tuktok ng bangin na nasa kanan.

Magagawang pigilan ng Tyranny ang mga atake ni Su Mucheng sa kanila sa pamamagitan ng pader na dinidikitan nila sa mga sandaling ito, at sa tulong na rin ng mga makukulay na liwanag na pinapakawalan ni Dazzling Hundred Blossomss.

Pero wala silang nagagawa para pigilan ang mga atake ni Lord Grim.

Pero walang ginawang kahit na anong hakbang para dito ang Tyranny.

Ito ay dahil sa di-hamak na mas delikado naman kasi si Dancing Rain kaysa kay Lord Grim. Mas mabuti pa para sa Tyranny na atakihin sila ni Lord Grim kaysa sa mga atake ni Dancing Rain.

Sa mga sandaling nasa kalagitnaan ng lahat ng ito ang Tyranny ay lumitaw ang mga panghahamak ni Fang Rui sa Public Chat Channel. Sa loob ng ilang mga sandali, nakikita na siya ng ilang mga manlalaro ng Tyranny.

Bakit ilan lang, at hindi lahat?